کابل بانک بحرانی نی حل ایتیش محکمه سی اوتکزیلدی

Image copyright BBCPersian.com

دوشنبه کونی کابل بانک معماسی نی حل ایتیش اوچون بو بانک سابق عامل هیاتی باشلیغی خلیل الله فیروزی وبوبانک نینگ سابق مدیره هیاتی شیرخان فرنود حضوری بیلن محکمه یولگه قوییلدی. بوبانک نینگ سابق رئیس لری افغانستان نینگ مهم یوقاری مرتبه لی رسمی لرینی بوبانک نینگ ناقانونی قرضه لریدن بهره مند بولگنلیککه عیبلب چیقدیلر.

کابل بانک نینگ مسوولریدن شیرخان فرنود اوتکزیلگن محکمه جریانیده سابق افغانستان جمهور رئیسی حامدکرزی ایناغه سی محمود کرزی، افغانستان مالیه وزیرلیگی سرپرستی وجمهور رئیس محمداشرف غنی نینگ اقتصاد بوییچه یوقاری مرتبه لی مصلحتچیسی عمر زاخیل وال، افغانستان مرکزی بانک اورین باسری خان افضل هده وال وکابل نینگ سابق حاکمی حاجی دین لرنی 65میلیون دالربوقرضه لردن بهره مندبولگن لردن دیب ایتدی.

فرنود جنابلری قاره لاوچیلروکابل بانک حسابی نی تیکشیره دیگن اداره حاضرگچه بوکیشی لرنی جواب گرلیککه تارتمه گن لیگی نی ایتدی.

کابل بانک حسابینی تصفیه ایته دیگن بولیم مسوولی حمیدالله محبی بوکیشی لربوبانکدن قرض آلگنی باره سیده کیره کلی حجت قولده ایمسلیگینی تاکیدله دی.

حاجی دین محمد بی بی سی بیلن بولگن صحبتیده بوعیبلاولرنی ردایتدی، اما بوکبی قرضه لرنی آلیشگه عیبلنگن باشقه شخصلر هیچ قنده ی مناسبت بیلدیریشمه گن.

افغانستان جمهور رئیسی محمد اشرف غنی بوندن کمیده 40 کون آلدین کابل بانک دوسیه آچیلیشی نی طلب قیلگندی. وبوندن مقصد مذکوربانک بحرانی نی حل ایتیلیشی دیب ایتگندی.

بوفرمان مهلتی ده کابل بانک مالی فسادیگه عامل بولگن شخص لر 3کونگچه قولگه آلینیشی ذکرایتیلگندی. بیراق 20کون اوتیشی بیلن کابل پلیسی عیب قوییلگن شخصلرنی قولگه آلیش کابل پلیسی صلاحیتی دن تشقری دیب اعلان ایتدی.

کابل پلیس قوماندانی جنرال ظاهرظاهرخبرنگارلربیلن بولگن صحبتیده کابل بانک دوسیه سی کوریب چیقیلیشی باشلنگنیدن بیری عیبلاو قوییلگن 7نفرقولگه آلینگنی نی معلوم قیلدی. اما اونگه کوره قالگن شخص لرضمانت اساسیده مملکت دن قاچیب چیققن لر.

بوگونگی محکمه ییغینده خلیل الله فیروزی اوز خطالرینی اعتراف ایتیب بوبانک سرمایه سیدن 96میلیون دالرنی افغانستان جمهور رئیسی وباشقه لرگه بغیشله گنی نی تیلگه آلدی.

شونینگ دیک فرنود جنابلری هم گلبهارسنترنینگ 11بلاکی اونگه تیگیشلی بولگن دیدی. اونگه کوره بانک قرضینی بیریش اوچون ساتیلیشی لازم.

1391ییل کابل بانک بحرانی نی حل ایتیش اوچون ایجاد ایتیلگن محکمه کابل بانک مسووللری شیرخان فرنود وخلیل الله فیروزی لرنی هربیرینی 5ییل قماق جزاسیگه حکم ایتدی.

بوبانک میلادی 2010ییل ناقانونی روشده یوزلب میلیون دالرتشقریگه چیقریلگنی اوچون انقراضگه اوچره دی.

بو محکمه شونینگ دیک خلیل الله فیروزینی قریب 531میلیون دالروشیرخان فرنودنی 278میلیون دالربوبانکه تولش جزاسی گه حکم ایتگندی.