جوزجانده طالبان نینگ سمنگان ولایتی اوچون تعیینلنگن حاکمی هلاک بولدی

اوتگن آقشام قوراللی طالبان جوزجان نینگ آقچه و فیض آباد تومنلری اورته سیده جایلشگن خوفسیزلیک پوسته لرگه هجوم قیلیشگن. نتیجه ده طالبان گروهی نینگ سمنگان ولایتی اوچون تعییلنگن حاکمی مولوی کریم باشقه اوچ نفر طالب بیلن هلاک بولگن.

جوزجان امنیه قوماندانی فقیرمحمد جوزجانی نینگ بی بی سی ایتیشیچه، موترسایکلده مینگن 20 گه یقین قوراللی طالب، آقچه و فیض آباد تومنلری نینگ چککوس و کوکلداش قیشلاقلریده گی محلی پولیس پوسته لریگه هجوم قیلیشگن.

اونگه کوره، مذکور محل گه جوزجان مرکزیدن یاردمچی کوچ یوباریلیب، آتیشمه تورت ساعت اطرافیده دوام ایتگن.

او بو حادثه محل اهالیسی گه ضرر ییتمه گن، اما محلی پولیسلردن بیرته سی یره لنگنینی معلوم قیلگن.

ایتیلیشیچه، جوزجان نینگ فیض آباد و آقچه تومنلری نینگ ایریم حدودلریده جنگریلر فعالیت قیلیشه دی.

اولر گاهیده محلده گی پوسته لرگه گروهی هجوم قیله دیلر.

جوزجان امنیه قوماندانلیگی ولایتده فعالیت قیله یاتگن جنگریلر پولیس بیلن توغریدن- توغری جنگ قیلیشگه قادر بولمه ی، اوزاق محلده گی پوسته لرگه هجوم قیلیب، بوزمه کارلیک ایشلرگه قول اوریشه دی دییدی.

سونگی پیتلرطالبان گروهی دولت گه قرشی هجوملرینی شدتلشتیرگنلر.