افغانستان شرقیده طالبان، مکتب اوقووچیلرنی مکتب باریشلریگه توسیق بولگن

Image copyright Reuters

شرقی ننگرهار ولایت نینگ تومنلریدن بیریده قوراللی مخالف لر مکتب اوقووچیلر نی مکتب بارمسلیککه تهدید قیلگن. ننگرهار پلیس باشلیغی فضل احمد شیزاد گه کوره؛ اوتگن کون قوراللی لر شوندی تهدید بیلن مکتب اوقوچیلرنی مکتب گه باریشدن منع ایتگن.

محلی رسانه لر بو تومنده 20 مکتب ایشیک لری یاپیلگنی حقیده حسابات بیرگن، اما رسمی منبع لرتامانیدن حاضرگه قدر تصدیق لنمه گن.

ننگرهار جنوبیده جایلشگن ده بالا تومنی پاکستان بیلن چیگره داش .

هرچند شیرزاد جنابلری محلدن ارتیق معلوماتی یوق لیگینی اورغولب ، اما طالبان نینگ ایکی اعضاسی ملی امنیت اداره سی تامانیدن توتقینگه آلینگنیدن سونگ طالبان شوندی عملگه قول اورگنینی ایتدی.

شونینگ دیک شیرزاد جنابلریگه کوره، طالبان قورالی لری ، قولگه آلینگن طالبان ازاد ایتیله گونگه قدرمکتب اوقوچیلرگه مکتب باریش اوچون ایزین بیریلمسلیگینی ایتگن.

اونینگ ایتیشیچه محل اقسقاللری، بو معما حلی اوچون سعی وحرکتلر نی باشله گن. طالبان گروهی حاضرگه قدر بوباره ده هیچ نرسه دیمه گن.

افغانستان شرقیده جایلشگن ننگرهار ولایتی نینگ ایریم حدودلریده طالبان قوراللی لری انچه فعال بولگن.