پاکستان جمهور رئیسی: تینچ وبرقرارلنگن افغانستاننی حمایه قیله میز

Image copyright BBC World Service

پاکستان جمهور رئیسی ممنون حسین گه کوره افغانستان بیلن یقین علاقه اورنه تیش و ایشانچ وحرمت اساسیده ایکی تامانلمه همکارلیک بومملکت نینگ تشقی سیاستی بولیشی ممکن.

حسین جنابلری پاکستانگه سفرقیلگن اشرف غنی احمد زی بیلن بولگن اوچره شوویده پاکستان افغانستان برقراروتینچ مملکت گه بولیشی اوچون اوزحمایتینی دوام ایتیشی ممکن.

غنی جنابلری دولت یوقاری مرتبه لی رسمی لری بیلن ایکی کونلیک سفراوچون پاکستانگه بارگن.

پاکستان جمهور رئیسلیگی نینگ مطبوعات خذمت مسوولی صبا محسن رضادن نقل قیلیب پاکستان رسمی خبرگزارلیگی یازیشیچه ایکی تامان اورته سیده عملگه آشگن مذاکره لر دوستلیک وهرتامانلمه بولگن.

بو خبرگزرلیک نینگ یازیشیچه حسین جنابلری غنی گه پاکستان افغان لررهبریتی ده بولگن تینچ مساله سیدن دایم حمایه ایتیب کیلگنی نی تاکیدله گن.

او ترورچیلیک نی ایکی مملکت اوچون خوفلی دیب وبونی یوقاتیش اوچون منطقه ده ایکی مملکت جدی همکارلیک قیلیشی لازم لیگی نی تیلگه آلگن.

غنی جنابلری هم بو اوچره شووده دفاعی وامنیتی ساحه لرده اوز علاقه لرینی مستحکم لشگه اراده لی بولگنی نی تیلگه آلگن.

جمعه کونی ایرته لب افغانستان جمهور رئیس لیک مطبوعات خذمتی بیر خبر نامه ترقه تیب ایکی تامانلمه علاقه لرمستحکم له نیشی باره سیده صحبت قیلیش غنی جنابلری نینگ پاکستان تامانی بیلن بولگنی نی معلوم قیلگن.

غنی جنابلری پاکستان جمهور رئیسی بیلن اوچره شمسدن آلدین بومملکت باش وزیری نینگ تشقی ایشلربوییچه و امنیتی مصلحتچی سی، قوراللی کوچلرارکان رئیسی، استخبارات رئیسی، مالیه وزیری وبیرنیچه مقام لربیلن اوچره شگن.

افغانستان جمهور رئیسی ایرته پاکستان باش وزیری نوازشریف بیلن ملاقات قیلیشی ممکن.

اقتصادی همکارلیک لرکینگه ییشی

افغانستان جمهور رئیسلیک مطبوعات خذمتی ایکی مملکت آره سیده کیلگوسی ایکی ییلده تجاری علاقه لر کوچه ییشی باره سیده خبربیرگن.

بو اداره گه کوره افغانستان جمهور رئیسی بیلن پاکستان مالیه وزیری اورته سیده بولگن اوچره شوودن کیین بوکییلشووگه ایریشیلگن.

حاضرگی کونده ایکی مملکت اورته سیده تجاری علاقه لرمیزانی کمیده 2یریم میلیارد دالرگه ییته دی.

بوکیلیشووگه کوره کیلگوسی ایکی ییلده بورقم 5میلیارد دالرگه کوتریلیشی ممکن.

بوسفرافغانستان جمهور رئیسی نینگ پاکستانگه قیلینگن ایلک سفری بولگن، متخصص لرفکریچه بوسفر ایجابی نتیجه بیریشی امیدوشبهه لربیلن بیرگه بولگن.

غنی جنابلری بوندن آلدین سعودی عربستان وچین گه سفر قیلگندی وبوایکله مملکت پاکستان نینگ یقین استراتیژیک دوستی بولگنی اوچون افغانستانده تینچلیک برقرارله نیشی اوچون بومملکتگه باسیم ییتکزیش لرینی سوره گندی.

پاکستان بیلن افغانستان علاقه سی اوتگن اون اوچ ییلده کوپگینه یامان وضعیتده ایدی.