تخارده تاغ سیلجیشی عاقبتیده 2 کیشی اولیب آلتی کیشی یره لنگن

تخار ولایت حاکمی سوزچیسی سنت الله تیمور نینگ ایتیشیچه اوشبو ولایت نینگ فرخار تومنیده تاغ سیلجیشی عاقبتیده ایکی کیشی اولیب آلتی کیشی یره لنگن، بوحادثه فرخار تومنی نینگ " لیلی کشیکتان" قیشلاغیده روی بیرگن.

رسمیلرگه کوره ، بوحادثه کونی کیچه روبیرگن.

تخار حاکمی سوزچیسی گه کوره، اونلب ایشچی سوو باشقرییش اوچون تاغ یانیده ایشلب تورگن بیرپیت تاغ نوره ب کیتگن، ایشچیلریدن ایکی ته سی اولیب وینه آلتی ته سی یره لنگن، یره لنگن لر کسلخانه گه ییتکزیلگن ، یره لنگن لردن ایکی نفری وضعیتی آغیر بولگنی ایتیلماقده.

شونینگ دیک تخار حاکمی اوتگن کون ورسج تومنیده هم تاغ سیلجیشی عاقبتیده اوشبو تومنده گی قیزلر مکتبی بناسی بوتونلی ویران ایتیلیب، مکتب ده هیچ کیم بولمه گنی باعث جانی تلفات قالدیرمه گنینی ایتدی.

بوندن آلدین هم تخار ولایتی نینگ چاه آب و کلفگان تومنلریده تاغ نوره گنی سبب نیچه کیشی اولیب یره لنگنی تصدیق لنگن ایدی.