ملی امنیت اداره سی: افغانستان نینگ ییریک شهرلریده ناتینچلیک لر 68 فایز آشگن

Image copyright .

ملی امنیت اداره سی سوزچیسی حسیب صدیقی بوکونگی اوتکزگن مطبوعات انجمنیده، اوتگن 45 کون ده حربی عملیات لر نتیجه سیده ماین اورنه تیش، قوراللی و وراکتی هجوملر 45 فایز کمیگنینی ایتدی، اما او ییرلیک شهرلرده ناتینچلیکلر آرتگنیدن خبربیردی.

اونینگ ایتیشیچه، جبهه ی اوروش 22 ولایت دن 6 ولایت گه کمیگن. اما او، ییریک شهرلر اینیقسه کابلده ناتینچلیک لر 68 فایز آشگنینی معلوم قیلدی.

افغانستان ملی امنیت سوزچیسی حسیب صدیقی نینگ ایتیشیچه:" طالبان اوروش میدانلریده کوپلب ادملرینی قولدن بیرگن، اولر حضورلرینی کورسه تیش اوچون هجوملرینی افغانستان نینگ ییریک شهرلری گه کوپیتیرگن."

صدیقی جنابلریگه کوره، اوتگن ایککی اییده ، یکه ملی امنیت اداره سی تامانیدن 150 حربی عملیات یولگه قوییلگن بوعملیات لرجریایده طالبان نینگ بیرقنچه مهم قوماندانلری اولدیریلیب ویاهم قولگه آلینگن.

شونینگ دیک ملی امنیت اداره سی سوزچیسی طالبان گروهی اعضالری اره سیده قرمه قرشیلیک لر پیدا بولگنینی اورغولب بوگروه اوچ گه بولینگنینی ایتدی.

صدیقی نینگ ایتیشیچه اولرنینگ قولگه کیریتگن معلومات لری اساسیده "طالبان رهبری ملاعمر نینگ حضور ویاحضور سیزلیگیدن هیچ قندی خبر یوق. بو گروه نینگ کوپ ایشلرینی ملااختر عملگه آشیرماقده."

همده، ملی امنیت اداره سی سوزچیسی، طالبان گه قرشی کوره شیش اوچون امنیتی بیر استراتژی ایشلب چیقه ریلیشدن خبربیردی.

اونینگ معلوماتی اساسیده بو استراتژیده افغان امنیتی کوچلریگه قرشی تهدیدلر و امنیتی کوچلردن قندی فایده له نیش مساله سی انیق له نیشی ممکن. شونینگ دیک امنیتی کوچلرنینگ احتیاج مندلیک لریگه اعتبار قره تیلیشی نظرده توتیلگن.