کابلده گی خارجی لرقرارگاهی گه عملگه آشگن هجومده ایکی نفرهلاک بولدی

Image copyright Reuters

کابلده شرقیده ایرته لب یوزبیرگن بوحادثه ده خارجی لرقرارگاهی نینگ ایکی قوریقچیسی اوزجانی نی قولدن بیرگن.

کابل پلیسی نینگ سوزچیسی حشمت استانکزی نینگ ایتیشیچه اوشبو خودکش هجوم ایرته لب تانگ چاغی ساعت 6:30 یوزبیرگن.

اونگه کوره خودکش شخص پارتلاوچی ماده گه تولدیریلگن نقلیه واسطه سینی کابل وجلال آباد شاه یولیده جایلشگن خارجی لرقرارگاهی ایشی یقینیده پارتله تیب یوبارگن.

ستانکزی جنابلری بی بی سی بیلن بولگن صحبتیده پارتلش کوچلی بولگنی اوچون سیسی شهرنینگ تورلی منطقه لریده ایشیتیلگنی نی ایتگن.

Image copyright AP

اونگه کوره بوگروه قوریقچیسی بولگن ایکی افغان هلاک بولگن، اماخارجی لر تلفاتی بارلیک احتمالی باره سیده تفصیلات قوللریده ایمس.

هلی گچه بو واقعه اولیب یاره لنگن سانی قنچه لیگی انیق ایمس. محلی رسانه لرنینگ خبر قیلیشیچه پارتلش آرتیدن ایکی هجومچی اوق آته باشله گن، عین دمده قرارگاه قوریقچیلری تاماندن آتیب اولدیریلگن.

طالبان گروهی بوحادثه مسوولیتی نی اوز بویینلریگه آلیب خارجی لرمعلومات مرکزینی نشانگه آلگن لرینی معلوم قیلیشگن.

عین حالده افغانستان جمهور رئیسی نینگ بیرینچی اورین باسری جنرال عبدالرشید دوستیم حادثه محلی گه باریب محلده گی امنیتی مسووللر بیلن اوچره شگن.

افغانستان جمهور رئیسی نینگ بیرینچی اورین باسری خبرنگارلرگه بوگونگی هجوم نهایت مرکب حادثه بولگنی نی ایتیب امنیتی کوچلرگه بونینگ ایلدیزینی تاپیلیشی باره سیده بویروغ بیرگن. اواهالی گه امنیت برقرارله نیشی ممکن لیگی باره سیده سوزبیرگن.

ایکی کون آلدین کابلده یوزبیرگن خودکش هجومده اوچ نفر اولیب و32کیشی هم یره لنگن ایدی.

کابل جلال آباد شاه یولی ناتینچ یوللردن حسابله نیب بویولده خارجی کوچلر بیلن قرارداد قیلگن شرکت لر، حربی قرارگاه لر ودولتی اداره لرجایلشگن.

سونگی کونلرده افغانستان پایتخت کابل شهری قطارحادثه لرگه گواه بولماقده. اوتگن هفته کابل پلیس قوماندانلیگی مرکزیده یوزبیرگن انتحاری هجومده بیرکیشی هلاک بولدی.

ایکی کون آلدین هم کابل غربیده بیرخودکش هجومچی پارتلاوچی ماده گه توله بولگن نقلیه واسطه سینی پارتله تیشی عاقبتیده اوچ نفر اولیب و32کیشی یره لندی، حادثه ده یره لنگن لرآره سیده ملت وکیلی شکریه بارکزی هم بولگن ایدی.