امریکاوناتو بیلن امضالنگن ایککی امنیتی کیلیشوو نامه اولوسی جرگه تامانیدن تصدیق لندی

Image copyright bbcpersian.com

افغانستان اولوسی جرگه سی بکونگی فوق العاده جلسه سیده امریکا و ناتو بیلن امضالنگن امنیتی کیلیشوو نامه لرینی تصدیق له دی.بو ایککی حجت اکتوبر آی نینگ 19 – سیده پارلمانگه یوباریلگن ایدی.

جلسه ده حضور تاپگن 157 وکیلدن بیش نفری مخالف اوچ وکیل ممتنع باشقه قالگن وکیللر ایجابی رای بیریشدی.

شو اساسده امریکا وناتو بیلن امضالنگن ایککی امنیتی پیمان گه 152 وکیل ایجابی فقط بیش وکیل منفی رای بیردیلر.

افغانستان اولوسی جرگه رییسی عبدالروف ابراهیمی بو ایککی حجت نی " اوته مهم " اتب بوکونگی جنجللی جلسه باشله نیشیده ملی بیردملیک حکومتی تیزلیکده بو حجت لرتیکشیریلیشی نی طلب قیلگینینی ایتدی.

اما ایریم وکیللر بو ایککی پیمان تصدیق له نیشگه قرشی لیک بیلدیریب، اما موافق وکیللرنینگ جدی مناسبتی بیلن دوچ کیلدی.

شونینگ دیک جلسه باشلنیشیده ایریم ملت وکیللر بو حجت لرسرلی جلسه ده تیکشیریلیش طلبینی الغه سوردیلر، اما نهایت بو طلب نتیجه گه ایریشمه دی.

بو ایککی امنیتی پیمان اساسیده امریکا و ناتونینگ حربی ماموریتی جاری میلادی ییل آخریده یکون تاپه دی ، بیراق افغان امنیتی کوچلری نینگ مشق و تیارگرلیک لردن اوتکزیش ومصلحت بیریش ماموریتی دوام تارته دی.

کابل و واشنگتن آره سیده امضالنگن امنیتی پیمانده میلادی 2014- ییلدن سونگ 9800 امریکالیک عسکر افغانستانده قالیشی قید ایتیلگن.

بو ایککی امنیتی پیمان امضاله نیش مساله سی ایککی ییلدن بیری افغان وامریکا لیک مقاملر تامانیدن تیکشیریلرایدی، اما افغانستان سابق جمهوررییسی حامدکرزی بوپیمان لرگه امضا قوییمه دی.

عکسینچه جمهوررییس اشرف غنی حکومتی نینگ بیرینچی ایش کونیده ایککی پیمان هم امضالندی.