امریکا حربیلری 2014 ییلدن سونگ هم طالبانگه قرشی اوروشه دی

Image copyright reuters

امریکا جمهوررییسی باراک اوباما، افغانستانده فعالیت آلیب باره یاتگن امریکالیک کوچلرمیلادی 2014 – ییلدن سونگ هم طالبان والقاعده گروهی گه قرشی حربی عملیات یولگه قوییش قرارینی صادر ایتگن.

نیویورک تایمز کونده لیگی نینگ یازیشیچه، میلادی 2014 ییلدن سونگ امریکا کوچلری نینگ افغانستانده گی حربی ماموریتی یکون تاپه دی، اما جمهوررییس باراک اوبامانینگ بو قراری طالبان و تروریستی گروه لرگه قرشی یولگه قوییله دیگن حربی عملیات لرده ینه بیرییل امریکا کوچلری اشتراک ایتیشگه زمینه یره تیب بیره دی.

شونینگ دیک امریکالیک مقاملر بو قرار اساسیده ضرورت بولگن حالده امریکا لیک حربیلر افغان امنیتی کوچلریدن هوای حمایه ایتیشگه قادر بولیشینی ایتگن.

جمهوررییس باراک اوباما بو قرارنی صادر ایترایکن، آلدینکی قرار آساسیده نیچه هفته دن سونگ امریکا نینگ افغانستانده گی حربی ماموریتی یکون تاپیب مینگلب امریکالیک عسکر هم افغانستاننی ترک ایته دی.وقاله دیگن محدود امریکالیک کوچلر فعالیتی هم افغان امنیتی کوچلری نینگ مشق وتیارگرلیک لردن اوتکزیش موضوعی گه قره تیله دی.

امریکالیک مقاملردن بیری نینگ اسوشیتد خبر آژانسی گه ایتیشیچه، طالبان امریکالیک لرگه تهدید توغدیرگن ویاهم القاعده دن حمایت بیلدیرگن پیت امریکا کوچلری تامانیدن هجومگه توتیله دی.

امریکا جمهوررییسی باراک اوباما جاری ییل افغانستانده گی امریکالیک کوچلر سانی 9800 گه کمه ییشینی ایتگن.

نیویورک تایمز روزنامه سی نینگ یازیشیچه، امریکا یوقاری مرتبه لی حربیلری نینگ باسیمی اساسیده بوقرار آلینگن