کابل شرقیده انتحاری هجوم یوزبیردی

Image copyright .

پایتخت کابل نینگ شرقیده جایلشگن کابل - جلال آباد شاه یولیده انتحاری هجوم روی بیرگن، بوحادثه ده بریتانیا ایلچیخانه سیگه تیگیشلی نقلیه واسطه نشانگه آلینگنی ایتیلماقده. پارتلش یوزبیرگن محلده بیرقنچه ایچکی و تشقی اداره لرهم جایلشگن.

بریتانیا نینگ کابلده گی ایلچیخانه سی سوزلاوچیلریدن بیری نینگ بی بی سی گه ایتییشیچه، انتحارچی شخص بریتانیا ایلچیخانه سگیه تیگیشلی نقلیه واسطه نی نشانگه آلگن. اونگه کوره بو هجومده نیچه نفر یره لنگن.

بو انتحاری هجوم کابل شهری نینگ توقیزینچی ناحیه سیده روی بیرگن. فرانسه خبرآژانسی سی بو هجومده بریتانیا ایلچیخانه سی نینگ بیر نقلیه واسطه سی هجوم گه آلینگنی باره سیده خبربیرگن.

افغانستان ایچکی ایشلر وزیرلیگی اورین باسری ایوب سالنگی توتیر صحیفه سیده موترسایکل گه مینگن بیرانتحارچی کابل پلچرخی جاده سیده اوزینی پارتلتدی دیب یازگن. سالنگی جنابلری هم خارجیلر گه تیگیشلی موتر نشانگه آلینگنینی ایتگن.

پایتخت ده گی کسلخانه لر مسوولی کبیر امیری بو پارتلش ده کمیده تورت نفر هلاک و بیش باله داخل 34 نفر یره لنگنیدن خبربیرگن.

کابل – جلال آباد شاه یولی پایتخت نینگ ناتینچ جاده لریدن بیری اوتگن هفته لرده هم نیچه بار شوندی پارتلش لریوزبیردی.

دولتی وچیت ایللیک لرگه تیگیشلی بیرقنچه اداره لر بو شاه یول ده جایلشگن. اوچ کون الدین کابل شرقیده روی بیرگن پارتلشده ایککی ناتو عسکری هلاک بولدی.