شیرخان بندر نینگ 16 ایشچیسی اوغیرلنگن

قندوز ولایتی نینگ محلی مقاملریگه کوره، افغانستان تجارت وزیرلیگی نینگ شیرخان بندرگاهیده فعالیت آلیب باره یاتگن 16 ایشچیسی قوراللی مخالف لر تامانیدن اوغیرلنگن.

قندوز ولایتی نینگ ولایت حاکمی غلام سخی بغلانی بو شخصلر اوتگن کون توشدن کیین شیرخان بندریدن قندوز قره ب کیله یاتگن بیرپیت اوغیرلنگنینی ایتدی.

اونینگ ایتیشیچه، اوغیرله گنلر قوراللی مخالف بولیب شیرخان بندر ایشچیلرینی قندوز ولایتی نینگ دشتی ارچی تومنیگه آلیب کیتیشگن.

قوراللی مخالف لر قندوز ولایتی نینگ ایریم تومنلری وشهر یقینیده گی محللرده فعال بولگنی ایتیلماقده ، حاضرگه قدر شیرخان بندر ایشچیلری اوغیرلش مسوولیتی نی هیچ بیرگروه یاشخص اوز ذمه سیگه آلمه گن.

قندوز حاکمی نینگ ایتیشیچه، اوغیرلنگنلرنی آزاد ایتیش اوچون قوم اقسقاللری واسطه چیلیگی بیلن سعی و حرکت لر باشلنگن.

شیرخان بندر قندوز ولایتی نینگ امام صاحب تومنیده جایلشگن بولیب تاجیکیستان و افغانستان آره سیده گی مهم بندرلردن بیری حسابلنه دی.

بوندن آلدین هم شیرخان بندر ایشچیلری قوراللی مخالف لر تامانیدن اوغیرله نیب قوم اقسقاللری واسطه چیلیگی بیلن ازاد ایتیلگن ایکن.