ینگی کابینه تشکیل ایتیلیشی خصوصیده کیلیشیلگن

Image copyright AFP

افغانستان جمهوررییسلیک سرای گه کوره،ملی بیردملیک حکومت رهبرلری ینگی کابینه تشکیل ایتیلیشی باره سیده کیلیشیلگنلر، بو کیلیشوو اساسیده حامدکرزی حاکمیتی دوریده وزیر صفتیده فعالیت آلیب بارگن شخصلر قیته ته نیشتیریلمسلیگی اورغولنگن.

افغانستان جمهوررییس سوزچیسی نظیف الله سالارزی نینگ ایتیشیچه، ینگی چهره لر نامزد وزیرصفتیده ته نیشتیریلیشی گه قرار قبول قیلینگن.

شونینگ دیک تورت وزیرلیککه عیال نامزد وزیرلر معرفی ایتیلیشی قید ایتیلگن.

حامدکرزی حاکمیتی دوریده اوچ عیال، وزیر صفتیده فعالیت آلیب باررایدی. حاضر هم اولر وقتینچه لیک وزیر صفتیده فعالیت قیلماقده لر.

عینی حالده کیلیشوو اساسیده برچه مهم وزیرلیک لر گه نامزد وزیرلر ملکه لی بولیشی اورغوله نیب، کابینه اعضالری بیرزمانده پارلمانگه تانشتیریلمسلیگی تاکیدلنگن.

یعنی نیچه مرحله ده نامزدوزیرلر پارلمانگه تاشتیریلیشی تاکیدله نیب بوندن اساسی مقصد هم نامزدوزیرلر دقت بیلن تنله نیشی بولگنی ایتیلگن.

ملی بیردملیک حکومتی نینگ ایشگه باشله شیدن ایککی ایدن کوپراق وقت اوتماقده، لیکن شوپیتگه قدرینگی کابینه تشکیل ایتیلمه گنی قطار تنقیدلرگه سبب بولگن.

بوگون اقشام محلی وقت بیلن ساعت التی اطرافیده جمهوررییس اشرف غنی تلویزیون آرقه لی ینگی کابینه باره سیده مردم گه معلومات بیریشی کوتیله دی.

محلی رسانه لر تامانیدن ترقه تیلگن حسابات لرده مهم امنیتی و اقتصادی وزیرلیک لر بولینیشی خصوصیده یوزه گه چیققن جنجاللر کابینه کیچیکیتیریلیشیگه اساسی عامل دیب کورسه تیلگن.

تورت کوندن سونگ ملی بیردملیک حکومتی نینگ یوقاری مربته لی ملازملری افغانستان خصوصیده بولیب اوتیشی ریجه لنگن لندن کنفرانسیده اشتراک ایتیش مقصدی بیلن انگلستان گه سفر قیلیشی ممکن. بو هیات ترکیبیده ینگی وزیرلرهم بولیشی کوتیله دی.