هملنده طالبان هجومیده 12 ملی اردو عسکری هلاک بولگن

Image copyright AFP

هلمند ولایتی نینگ ولایت حاکمی سوزچیسی عمرزواک نینگ بی بی سی گه ایتیشیچه، اوتگن کون سنگین تومنی نینگ شمال شرقی حدویده طالبان هجومیده 12 افغان عسکری هلاک بولگن. همده او مذکور هجومده اوچ افغان ضابطی یره له نیب وباشقه بیری هم درک سیز بولگنینی ایتگن.

اوتگن کون محلی مقاملر، سنگین تومنیده طالبان تامانیدن اویوشتیریلگن هجومده بیش عسکر اولیب و باشقه اون عسکر یره لنگنیدن خبربیرگن ایدی.

افغانستان مدافعه وزیرلیگی سوزچیسی ظاهر عظیمی توتیر صحیفه سیده 12 عسکر هلاک وبیر عسکر درک سیز بولگنینی تصدیق له گن.

شونینگ دیک او، افغانستان نینگ باشقه بیر منطقه سیده ماین پارتلشی عاقبتیده تورت عسکر هلاک بولگنینی ایتگن. هلمند پاکستان نینگ جنوبی منطقه لری بیلن قوشنی بولیب افغانستان نینگ ناتینچ ولایت لریدن بیری حسابلنه دی.

بو ایککی حادثه مسوولیتی نی حاضرگه قدر هیچ بیرگروه یاشخص اوز ذمه سیگه آلمه گن.

بوندن بیرنیچه کون الدین هم طالبان قوراللی لری هلمند ولایتیده جایلشگن باستیون حربی قرارگاهیگه هم هجوم اویوشتیرگن ایدی. قریب اوچ کون دوام ایتگن توقنه شووده 26 طالب و بیش ملی اردو عسکری قربان بولدی.