معلومات گه قول تاپیش قانونی جمهوررییس تامانیدن امضالندی

معلومات گه قوتاپیش قانونی نیچه آی کیچیکتیریلیشیدن سونگ نهایت جمهوررییس تامانیدن امضالندی، آلتی فصل و 32 بند دن عبارت بولگن بوقانون جاری ییل اوللریده بیرقنچه بحث لردن سونگ پارلمان تامانیدن تصدیق لنگن ایدی.

بو قانون عملی بولیشی بیلن مطبوعات و فسادگه قرشی کوره شیش خصوصیده فعالیت آلیب باره یاتگن قوریلمه لر کیره کلی معلوماتلرنی قولگه کیرتیشگه قادر بولیشی ممکن.

معلومات گه قول تاپیش قانونی نیچه ییل آلدین تصدیق له نیشی کیرک ایدی، چونکی اساسی قانون بیشینچی بندیده مملکت یشاوچیلری اطلاعات گه قول تاپیشگه حقلری بارلیگی تاکیدلنگن. اما ژورنالیست لر حقلری بویچه فعالیت آلیب باره یاتگن قوریلمه لرنینگ ایتیشلریچه، مدنیت وخبرلر وزیرلیگی بو قانون لایحه سینی توزه تیش اوچون اونچه لیک اعتبار بیرمه گنی قانون لایحه سی کیچیکتیریلیشگه سبب بولگن نهایت افغانستان جمهوررییسی محمد اشرف غنی کونی کیچه بوقانوننی امضاله دی:"معلومات گه قول تاپیش یشاوچیلرنینگ اساسی حقلری بولیب، مدنی جماعه چیلیک فعالیت لری نینگ اساسی قسمی ، ملی بیردملیک حکومتی سیلاو آلدی تبلیغی برنامه لر جریانیده بوقانون امضاله نیش وعده سینی بیرگن ایدی. هم مین و هم داکتر صاحب عبدالله بو قانون امضاله نیشی بیلن مدنی جماعه فعاللری حساب بیریش وقانون حاکمیتی اوچون دولت بیلن بیرگه لیککه ایشلشگه امید قیله من."

شونینگ دیک جمهوررییس غنی بو قانون اساسیده مطبوعات قطاریده عادی خلق و فسادگه قرشی فعالیت آلیب باره یاتگ اداره لرهم کیرکلی حجت لرگه قول تاپیش لری ممکن لیگینی ایتدی.

بوندن آلدین معلومات گه قول تاپیش اوچون هیچ قندی قانون موجود ایمس ایدی. شوسبب مطبوعات فعاللری معلومات قولگه کیرتیش اوچون قطار قینچلیک لر بیلن یوزمه یوز ایدی.

مذکورقانون نینگ اوچ بندی خصوصیده پیدا بولگن قرشیلیک لر به وقت تصدیقلنمه یشیگه سبب بولدی. نهایت جنجالی بندلر اوزگرتیریلیب اکثریت آواز بیلن تصدیق لندی.

ایریم ملت وکیللری مدنیت وخبرلر وزیری اطلاعات گه قول تاپیش کمیسیون باشلیغی صفتیده تعین ایتیلیشیگه قرشی لیک بیلدیریب، کمیسیون نینگ یاش اعضالریدن بیر تعین ایتیلیشینی طلب قیلگن ایدی.

اطلاعات گه قول تاپیش قانون لایحه سی نینگ بندلریدن بیریده افغان یشاوچیلری حقلرینی ایاق استی ایته یاتگن معلومات لرگه برچه قول تاپه آلمسلیک تکلیفی حکومت تامنیدن ایلگری سورگن ایدی. اولوسی جرگه بو بندنی آلیب تشله دی.

شونینگ دیک یتتینچی بند ده معلومات گه قول تاپیش کمیسیونیده اعضا صفیتده قبول قیلینه دیگن هربیرشخص اوچ ییل ایش تجربه گه ایگه بولیشی قید ایتیلگن ایدی. اولوسی جرگه ایش تجربه سینی بیش ییلگه اوزگرتیردی. حاضرگه قدرهم بو قانون مطبوعات اختیاریده قوییلمه گن.