جوزجانده طالبان هجومی نتیجه سیده تورت پلیس هلاک بولگن

جوزجان ولایتی نینگ پلیس قوماندانی فقیر محمد جوزجانی ، اوشبو ولایت نینگ درزاب تومنیده طالبان هجومیده تورت محلی پلیس هلاک بولگنینی ایتگن .همده او، ترکمنستان بیلن چیگره داش بولگن خم آب تومنیده حربی عملیات باشلگنیدن خبربیرگن.

جوزجانی جنابلریگه کوره، کونی کیچه بیرگروه قوراللی عصیانچیلر جوزجان ولایتی نینگ درزاب تومنیده گی پوسته لریدن بیریگه هجوم قیلیب تورت پلیسنی اولدیرگن. همده اونینگ ایتیشیچه هجومچیلر هلاک بولگن پلیس لر قوراللرینی هم اوزلری بیلن آلیب کیتیشگن.

بیراق طالبان عصیانچیلری حاضرگه قدر بوخصوصده هیچ نرسه دیمه گن. درزاب جوزجان ولایتی نینگ ناتینچ تومنلریدن بیری بولیب، ایریم حدودلریده طالبان عصیانچیلری انچه فعال بولگنی ایتیله دی.

عینی حالده جوزجان پلیس اداره سی اوشبو ولایت نینگ خم آب تومنیده بیش کونلیک حربی عملیات باشلنگنیدن خبربیرگن. اما بو عملیات باره سیده تولیق معلومات بیرمه گن. خم آب تومنی ترکمنستان بیلن چیگره داش بولگن.