بغلان ده جنازه مراسمیده خود کش هجوم صادر بولدی

افغانستان شمالیده گی بغلان ولایتی رسمی لری گه کوره انتحاری هجوم بیرقبرستانده یوزبیریب نتیجه 9نفر اولیب و20کیشی هم تن جراحتی آلیشگن.

بغلان ولایتی پلیس سوزچیسی جاوید بشارت بی بی سیگه ساعت 11اطرافیده بغلان ولایتی نینگ بورکه تومنی اهالی سی دن بیری نینگ جنازه مراسمیده خودکش هجوم صادربولگنینی معلوم قیلدی.

اونگه کوره بوهجومدن مقصد محلی رسمی لریا نفوذلی کیشی لربولمی بلکی فقط اهالی اورته سیده قورقینچ تشلش اوچون اویوشتیریلگن.

بشارت جنابلری دستلبکی آلینگن معلومات لرگه 20نفر اولیب یاره لنگنی نی ایتدی.

او هلاک بولگن 9نفر آره سیده ایکی عسکراوزجانینی قولدن بیرگنی نی تصدیقله دی.

او حادثه نی تیکشیریش اوچون بغلاندن محلگه بیرگروه هیات جونه تیلگنی نی ایتدی.

حاضرگچه بو حادثه مسوولیتی نی هیچ کیم اوز بویینیگه آلیشمه گن.

سونگی وقت لرده افغانستان بویلب ناقرارلیک لرآشیب بارماقده، بوناتینچلیک لرعاملی طالبان بولیب اولرتاماندن پارتلش، خوکش لیک هجومی وگروهی هجوملرعملگه آشیریلماقده..

بوهجوم لردن بیری هم پکتیکا ولایتی ده والیبال بیلله شووی میدانیده خودکش هجوم صادربولیب یوزدن آرتیق نفرنی اولیب یاره لنتیرگنی ایدی.

مملکت شمالی ده جایلشگن بغلان ولایتی تینچ ولایت لردن بیری حسابلنه دی، اما بوولایت نینگ ایریم حدودلریده طالبان گروهی وگلبدالدین حکمتیاررهبریتی ده بولگن اسلامی حزب اعضالری فعالیت قیلیب بوکبی هجوم لرنی اویوشتیره یاتگنی ایتیله دی.