وزیرلیکلرنینگ سرپرست لیک مسوولیتی اورین باسری لریگه تاپشیریله دی

Image copyright AFP

افغانستان جمهور رئیسی محمد اشرف غنی بوگوندن هربیروزیرلیک نینگ سرپرستلیک لوازمی صلاحیتلی اورین باسرلریگه تاپشیریلیشینی اعلان قیلدی. او ملی بیردملیک حکومتی نینگ اجرائیه ریسی بیلن قوشمه شکلده ریجه لشتیریلگن تلویزیونی برنامه ده اشتراک ایتدی.

افغانستان جمهور رئیسی محمد اشرف غنی واجرائیه رئیسی عبدالله عبدالله لرجانلی روشده تلویزیونی برنامه گه چیقیش قیلیب بوگوندن سرپرست وزیرلرنینگ مسوولیتی صلاحیتلی اورین باسرلری گه تاپشیریلیشی ممکن لیگی اعلان ایتدیلر.

عین حالده افغانستان جمهور رئیسی بوزیرلیک لردن فقط لندن انجمنیده اشتراک ایته دیگن سرپرست وزیرلرلوازم ده قالیش لری ممکن لیگی نی بیلدیردی. اما او بوزیرلیک لردن آت توتمه دی.

کوریلیشیچه تشقی ایشلر، مالیه،مدافعه وایچکی ایشلروزیرلیک لری نینگ سرپرست لری ینگی کابینه اوچون نامزدشخص لر تنیشتیریلگونچه اوز لوازملریده قالیش لری ممکن.

ملی بیردملیک ایشگه باشلب برچه وزیرلرنی وزیرلیک لرسرپرستی اعلان ایتگنیدن ایکی آی اوته دی.

افغانستان قانونی گه کوره هیچ کیم ایکی آی دن کوپ مدت بیراداره ده سرپرست بولیب قاله آلمه یدی.

غنی جنابلری قانوننی رعایت ایتیش مقصدیده سرپرست وزیرلر اورنیده وزیرلیک لرنینگ مهم اورین باسرلری مسوولیتنی آلیش لری ممکن لیگی نی اعلان ایتدی.

غنی وعبدالله جنابلری شونینگ دیک ایکی هفته دن 4هفته مدتیده ینگی کابینه اعضالرینی پارلمانگه تنیشتیریش لری ممکن لیگی معلوم قیلدیلر.

افغانستان جمهور رئیسی کابینه اعضالرینی کیچیکتیریب اعلان قیلیشینی اختلاف دیب بیلدیریلگن میش – میش لرایمس دیب بلکی ملکه لی وقابلیت لی کیشی لرنی تنلش وقت طلب قیلیشی ممکن لیگی ایتدی.

ایکی قانون نینگ امضاله نیشی

افغانستان جمهور رئیسی بوندن آلدین پارلمان تصدیقی دن اوتگن جمعیت سانی نی انیقلش قانونی ومعلومات لرنی قولگه کیلتیریش قانونی نی امضاله دی.

عین حالده ملی بیردملیک حکومتی نینگ اجرائیه ریاستی رئیسی عبدالله عبدالله هم معلومات لرنی قولگه کیلتیریش قانونی امضاله نیشی شفاف لیک نی آشیریش، قانون حکم سوریشی ودولت اداره لریدن یخشی راق نظارت بولیشی اوچون ایجابی تاثیرقوییشی ممکن دیدی.

شونینگ دیک غنی جنابلری امریکا وناتو اورته سیده گی خوف سیزلیک شرطنامه نی امضاله دی.

او اولوسی جرگه وسنا مجلس لریدن بو شرطنامه نی تصدیقله گنلریدن منت دارچیلیک اظهار ایتیب بونی افغانستان خلقی ایستگی ومملکت اوچون احتیاج دیب تیلگه آلدی.