بلخ ده قیزباله گه تجاوزقیلیش عیبی بیلن توتقینگه آلینگن شخص اوزینی اولدیردی

بلخ مقام لریگه کوره، اوشبو ولایت نینگ شولگره تومنیده بیش یاشلیک قیزگه تجاوز قیلیش عیبی بیلن توتقینگه آلینگن شخص اوزینی اولدیرگن. اوزینی اولدیرگن شخص نیچه کون آلدین توتقینگه آلینگن ایدی.

بلخ ولایتی نینگ پلیس قوماندانلیگی امنیت آمری عبدالرزاق یعقبوی نینگ ایتیشیچه 19 یاشیده بولگن بو شخص مزارشریف قماقخانه سیده آنتقال بیریلگن ایکن، بونیده گی رومالی بیلن اوزینی آسگن.

بو یاش نینگ جسدی تحقیقات اوچون مزارشریف ملکی کسلخانه سیده آلیب باریلگن.

بوندن آلدین شولگره تومن حاکمی سراج الدین عابد بی بی سی بیلن بولگن صحبتیده بو تومن نینگ مهاجر قشیلاغیده شنبه کونی بیش یاشلیک قیز جنسی زورلنگنینی ایتگن ایدی.

شونینگ دیک حاکم قضیه دن ایککی کون اوتگنیدن سونگ تجاوز عیبی بیلن 19 یاشلیک شخص قولگه آلینگنیدن خبربیردی.

افغانستان نینگ تورلی ولایت لریده باله لرگه تجاوز قیلیش حاللری کوزه تیلگن، اما شوندی عملگه قول قولی بارلیککه عیبله نیب قولگه آلینگن شخص اوزینی اولدیرگنی بیرینچی بار کوزه تیلماقده.

بوندن قریب بیرآی الدین تخار ولایتی نینگ رستاق تومنیده اوچ یاشلیک بیرقیزه لاق نینگ جنسی زورله نیشی خبرقیلینگن ایدی.

فعاللر شوندی عمللرگه قول اورگن شخصلر جدی جزاله نیشی کیرک لیگینی تاکیدله ماقده لر.