مزارشریفده ایکی عیال نینگ جسدی تاپیلگن

Image copyright b

یاشلری 35 اطرافیده بولگن بو ایککی عیال نینگ جسدی بوگون ایرته لب مزارشریف شهریده تاپیلگن.بلخ امنیه قوماندانلیگی خوفسیزلیک آمری عبدالرزاق قادری، مذکور عیاللر باشیده گی قرصلری بیلن بوغیب اولدیریلگنینی ایتگن.

قادری نینگ ایتیشیچه بو ایککی عیال جسدی شهرنینگ چیککه ساحه لریدن بیریگه تشلب کیتیلگن.

قادریگه کوره، مذکورعیاللر باشقه محلده اولدیریلگن، اما جسدلری بیشینچی ناحیه خوفسیزلیک حوزه سیگه ییتکزیلیب، اوندن سونگ، عدلیه طبیات مرکزیگه آلیب باریلگن.

او هنوزگچه بو عیاللرنینگ کیملیگی انیقلنمه گن و خوفسیزلیک اداره سی تحقیقات تیملری موضوع اوستیدن ایشگه باشله گنی دن خبر بیرگن.

بلخ مرکزی شفاخانه سی عدلیه طبیات مسووللری ایککی عیال نینگ جسدی اولرگه ییتکزیلگنینی تصدیقلب، اوتکزیلگن تیکشیروولرده اولرگه قرشی جنسی تجاوز عملی صادر ایتیمله گنینی ایتیشگن.

بوندن آلدین هم مزارشریف شهری نینگ ایریم منطقه لریده نامعلوم شکلده اوریلیب کیتیلگن عیاللرنینگ جسدلری تاپیلگندی. اما هنوزگچه بو حادثه لر عامللری تنیلیب، قولگه آلینمه گن.