فاریاب بیلیم یورتی عیال طلبه لریدن بیری اوغیرلنگنیدن سونگ یاقیب یوباریلگن

اوغیرلنگن عیال جسدی کویدیریلگن حالده پولیس آرقلی تاپیلگن، اوشبو عیال فاریاب بیلیم یورتی نینگ ایکینچیلیک بیلیم یورتیده بیر ییل دن بیری تحصیل آلیب کیلرایکن.

هلاک ایتیلگن عیال نینگ تورموش اورتاغینی معلوم قیلشیچه بو عیال اوتکن چهارشنبه کونی سیناو تاپشیریش مقصدیده اویدن کیتیب، بیراق اوشه کونی اوییگه قیتمه گن. عیال نینگ تورموش اورتاغی اولرنی هیچ بیرکیشی بیلن دوشمن دارلیک لری بولمه گن لیگینی ایتیب، دولت دن بوقضیه نی جدی شکلده تکیشیریش لرینی طلب قیله دی " بیزنی هیچ کیم بیلن دشمنلیگی میز یوق اید، بیلمه دیک کیم نی ایش هیچ کیمنی گمان قیله آلمی میز" دیدی هلاک ایتیلگن عیال ایری.

انه شوحالده فاریاب امنیه قومندانلیگی نینگ سوزلاوچیسی پولیس کوچلری کونیکیچه اوشبو عیال جسدینی میمنه شهری 7ینچی ناحیه سی نینگ قبرستانیدن تاپگن لیکلرینی معلوم قیله دی " توخته ناملی فاریاب بیلم یورتی نینگ ایکینچیلیک بیلیم اویی طلبه سی بولگن بیرعیال نینگ جسدی کویدیریلگن حالده میمنه شهری نینگ 7ناحیه سی نینگ قبرستانی دن تاپیلدی، عیال نینگ اولیمی هم کویدیریلگن لیگی اوچون بولگن، قضیه تحقیق آستیده ، اما بیرانته هم قضه عیبی بیلن اوشلنمه گن"

شونینگدیک هلاک ایتیلگن عیال یقین لریدن ینه بیری دولت کوچلریدن طلبه لر امنیتی نی تامین لش اوچون جدی چاره تدبیرکوریش لرینی ایسته ب، بوکبی حادثه لر قیته یوزبیریمسلیگینی طلب قیله دی: "او اون اوچ ییل تحصیل قیلگن ایدی، بیلمه دیم کیمنی ایشی، مینی هم تورت باله م شو ییرده تحصیل آله دی بوندی بولسه اولرنی حیات قندی بولر ایکن دولت عیب دارلرنی جزالش لازم ." هلاک ایتیلگن عیال نینگ یقین لریدن بیری شونینگدیک اوشبو عیال نینگ اوچ باله سی هم بارلیگی نی ایته دی. فاریاب ولایتی نینگ مرکزی میمنه شهریده واقع بولگن فاریاب بیلیم یورتی نینگ طلبه لر اره سیده بوبیرینچی قتله دیرکه بوکبی بیرحادثه یوزبیره دی ایرم طلبه لر اولر اوته خواطرده توشگن لیک لرینی ایتیب، اوشبو قضیه تیزلیکده تکیشیریلیشینی طلب قیله دیلر.