"حاضرگه قدرهم زومندشخصلر تامانیدن انسان حقلری ایاق آستی ایتیله دی"

Image caption افغانستان انسان حقلرینی سقلش کمیسیون رییسی هم زورمند شخصلر تامانیدن انسان حقلری ایاق استی بولیب کیلینه یاتگنینی ایتگن.

اوروش لرده قربان بولگنلر یقینلری؛ اوتیش عدالت گروهی و ایریم مدنی جماعه اعضالری افغانستان بویلب انسان حقلری ایاق آستی بولیشی حاللری آرتیب باره یاتگنیدن خواطیر بیلدیردی.

خلق ارا انسان حقلری کونی مناسبتی بیلن کابلده یولگه قوییلگن یغینده شوندی خوطیرلر بیلدیریلدی.

افغانستانده یوزبیرگن اوروش لر و ناقرارلیک لر سبب اوتمیشلرده کوپچیلیک انسانلر حقلری ایاق استی بولگنی ایتیلیب اوتگن اون بوکبی حالت لرنی آلدینی آلیش وقیته تکرارلنمسلیگی اوچون قطار برنامه لر یولگه قوییلدی، لیکن شوندی بولسه ایریم فعاللر هلی هم انسان حقلری ایاق استی بولیب کیله یاتگنینی ایته دی.

شونینگ دیک انسان حقلری فعاللری دولت نی هم بوخصوصده جدی اعتبار بیرمه یاتگنلیککه عیبلیدی. خلق ارا انسان حقلری کونی مناسبتی بیلن کابلده اویوشتیریلگن یغینده صحبت قیلگن مدنی جماعه فعاللریدن انجنیر علی شاه :" اهالی تلفاتی آرتیب باریشی، عیاللر وباله لرگه قرشی زوروانلیک لر، همده مالی و اداری فساد انسان حقلرینی ایاق استی بولیشدن نمونه لر، شونینگ دیک انسان حقلرینی ایاق استی ایتگن شخصلر عدلی و قضای اداره لرتمانیدن ایزلنمه گنی انسان حقلری ایاق استی بولیش حاللرینی ارتیب باریشگه سبب بولگن."

اوروش قربانلری یقینلری همده اوتیش عدالت گروه اعضالری وایریم مدنی جماعه چیلیک وکیللری اوروش لرده جبر کورگن لر اوچون عدالت گه قول تاپیش زمینه سی مهیا ایتیشینی بیرلشگن ملتلر تشکیلاتیدن طلب قیلدی.

شونینگ دیک اولر افغانستان دولتی دن اوروش جنایتچیلرینی محکمه تارتیش اوچون مخصوص محکمه تشکیل ایتیلیشینی سوره دیلر.

عینی حالده ایریم دولت مقاملری هم انسان حقلری حاضرگه قدرهم ایاق آستی بولیب کیلینه یاتگنینی تصدیق لیدی، خلق ارا انسان حقلری کونی مناسبت بیلن چیقیش قیلگن افغانستان عدلیه وزیرلیگی نینگ وقیتنچه لیک وزیری محمد یوسف حلیم:"ایریم حالت لرده انسان حقلرینی ایاق آستی ایتگن شخصلر اوشله نیب جزالنتیریلگن، و بعضی لری هم قماقخانه ده، اما انسان حقلرینی سقلش اصوللرینی تطبیق ایتیش اوچون کمچیلیکلر بار. دولت هم انسان حقلری اصوللرینی تولیق رعایه ایتیب تطبیق ایتیشگه قادربولمه گن. اما بوخصوصده سعی وحرکت لربولماقده."

افغانستان انسان حقلرینی سقل مستقل کمیسیون رییسی سیما سمر اوتمیش لرگه کوره انسان حقلری وضعیتی یخشی بولگنینی تاکیدلب، اما زورمند شخصلر تامانیدن حاضرگه قدرهم انسان حقلری ایاق استی بوله یاتگنینی ایته دی:"البته کی قانون ایاق استی بولیش حاللری موجود، کوپیگن و کمیگنی باره سیده هیچ نرسه ایته آلمیمیز، زورمند شخصلر تامانیدن قانون ایاق آستی ایتیله یاتگنی دوام ایتماقده، قانونی رعایت ایتیلمه گنده؛ انسان حقلری ایاق استی بوله دی."

شوندی خواطیر لرگه قره گنده، بیرلشگن ملتلر تشکیلاتی نینگ کینگیتیریش بولیمی؛ افغانستان عدلیه وزیرلیگی همکارلیگی بیلن عدالت گه قول تاپیش خصوصیده ایش آلیب باریشینی ایتگن.

بو ریجه آرقه لی انسان حقلری اساسلری کوچیتیریلیب، همده خلق گه اگاهیلیک بیریش کبی برنامه لر عملگه آشیریلیشی ممکن.