سرپل بلخاب تومنی یولی قه لین قاریاققنی سبب کیسیلیب قالگن

سرپل ولایتی بلخاب تومنیده کونی کیچه قه لین قار یاغیب، تومن بیلن ولایت مرکزی قتناو یولی نینگ کیسیلیب قالیشیگه سبب بولگن.سککسن مینگ جمعیت گه ایگه بولگن بلخاب تومنی اهالیسی، دولت دن مذکور یول نی تیزلیک بیلن آچیشینی طلب قیلیشگن.

اهالی گه کوره، بلندلیگی یریم مترگه قدر یاققن قار، اولرنینگ حیاتینی تهدید گه سالگن.

اولرشونینگ دیک، مذکور تومنده اساسی ساغلیک مرکزلری موجود بولمه گنلیگی، کسللرینی ولایت مرکزیگه ییتکزه آلمسلیگی دن هم شکایت قیلیشگن.

سرپل ولایتی مسووللری، یول نی تورت کون ایچیده قیته دن اهالی یوزیگه آچیشگه حرکت قیلیشلرینی ایتگن. اما محل ده قار تازه لاوچی جهازلر موجود بولمه گنی، یول تیزده آچیلمسلیگی ممکن.

بلخاب سرپل ولایتی مرکزیدن 145 کیلومتر اوزاق مسافه ده گی جایلشگن.

مذکور تومن یولی هر ییلی قیش موسیمیده قه لین قار یاغیشی عاقبتیده یاپیلیب قاله دی. اما دولت بو یولنی اهالی یوزیگه آچیش اوچون محلده قار تازه لووچی ماشینلرنی اورنتگندی، لیکن بو ییل قار تازه لووچی ماشینلر تیار بولمه گنلیگی، یول نینگحتی هفته لرگچه یاپیلیب، قالیشیگه هم سبب بولیشی ممکن.