ایران هرییل 500افغان طلبه سینی تحصیل آلیشگه قبول قیله دی

Image copyright dolat.ir

ایران نینگ علملر تدقیقات بوییچه وزیری محمد فرهاد ییلیده افغان طلبه لریگه 500 تحصیل بوییچه بورسیه بیریلیشی ممکن لیگی نی اعلان ایتدی.

ایران معلومات مرکزی نینگ یازیشیچه فرهاد جنابلری افغانستان اجرائیه رئیسی بیلن بولگن اوچره شووده مملکتی افغانستان بیلیم یورت لری استادلریگه هم اوز معلومات لرینی آشیریش اوچون خذمت شرایطی یره تیب بیریش لرینی ایتدی.

محمد محقق بیرگروه هیات باشچیلیگیده ایران مملکتی رسمی لری بیلن ایریم مساله لرخصوصیده ملاقات قیلیش اوچون بومملکتگه سفر قیلگن.

ایسنا خبرگزارلیگی نینگ یازیشیچه محقق جنابلری بواوچره شووده ایران علم لروزیری دن بومملکت بیلیم یورت لریگه افغان طلبه لرینی کان وهوا بوییچه ساحه لرده کوپراق قبول قیلینیشینی طلب قیلگن.

فرهادی جنابلری نینگ اعلان قیلیشیچه اوتگن ییلی نوامبرآییده ایریشیلگن کیلیشوولرنینگ بیرقسمی عملی بولگن.

بو شرطنامه سابق افغانستان جمهور رئیسی ایرانگه بولگن سفری چاغیده بومملکت رسمی لری بیلن امضالنگندی.

ملی بیردملیک حکومتی تشکیل ایتیلیشی دن کیین افغان رسمی لری نینگ ایرانگه بولگن ایلک سفری حسابلنه دی.