فاریاب ولایتیده بیراوقیتووچی آتیب اولدیریلگن

ترورایتیلگن بوشخص کونی کیچه خفتن نمازینی مسجد ده ادا ایته یاتگن بیر پیتده قوراللی لرتاماندن اوققه توتیب اولدیریلگن.

بو حادثه بولایتگه تیگیشیلی خواجه سبز پوش تومنی نینگ قره شیخی قیشلاقیده یوزبیرگن.

فاریاب ولایتی نینگ پلیس قوماندانی سوزچیسی سید مسعود یعقوبی حادثه نی تصدیقلب هلاک ایتیلگن عبدالمومن آتلی شخص کیچه اوز مسجدیده ایکی قورالی تاماندن ترورایتیلگنی نی ایتدی.

یعقوبی جنابلری گه کوره اولرگه ییتیب کیلگن گزارشگه قره گنده اونی اوقیتووچی ایکن لیگی ذکرایتیمه گن، اما اولدیریگن بوشخص اوتمیشده مذکور قیشلاق قومی کینگش رهبری بولگن.

یعقوبی جنابلری بوحادثه ده مسوول کیشی انیق بولمه گنینی ایته دی. اما او اولدیریلیش سبب لرینی اورگه نیش اوچون تیکشیروو ایشلری دوام ایته یاتگنی نی تیلگه آله دی.

عین حالده فاریاب ولایتی نینگ معارف ریاستی رئیسی احمدالله عرب گه کوره اولدیریلگن شخص معلم بولیب معارف چوکاتیده خذمت قیلیب کیلگن.

اوبوحادثه ده طالبان قولی بولمسلیگی نی اظهار ایته دی.

اونگه کوره طالبان نظارتی ده فعالیت قیله یاتگن مکتب لرکوپ بولگن.

بوندن کمیده بیرآلدین هم معارف خادم لریدن بیری بو ولایت نینگ المارتومنیده قوراللی طالب لرتاماندن ترورایتیلگندی.