قیناقلر اوچون سیا خادم لری جزا گه تارتیلیشی کیرک

امریکا سنامجلسی سیا تشکیلاتی خادملری تمانیدن عیبلنگنلر اوستیدن قیناق اوتکزیلگن حاللری حقیده گی گزارش نشر ایتیلیشی آرتیدن، بیرلشگن ملتلر و انسان حقلری تشکیلاتلری سیا خادملری اوستیدن قضایی تیکشیروو عملگه آشیریلیشینی سوره گنلر.

بیرلشگن ملتلر تشکیلاتی نینگ انسان حقلری و تیروریزیمگه قرشی کوره ش ایشلری بوییده گی درکچیسی بن امرسن نینگ مخصوص گزارشیده، قیناق اوتکزگنلردن تشقری، قیناق صادر ایتیلیشی دستورینی صادر قیلگن جورج بوش دولتی نینگ یوقاری مرتبه لی ملازملری اوستیدن هم تیکشیروو عملگه آشیریلیشی کیره کلیگی قید ایتیلگن.

انسان حقلرینی کوزه تووچی تشکیلات نینگ باش مسوولی کنت رات هم، سیا خادملری نینگ عمللرینی جنایت اتب، اونی کیچیریب بولمسلیگی نی تاکیدله گن.

اونینگ ایتیشیچه، سنا نینگ سیا خادملری اوستیدن حقیقی قضایی تیکشیروولری اوتکزیلمه گن تقدیرده، قیناق جمهور رییس اوچون همان بیر قانون بولیب قالیشی ممکن.

اوتگن کون امریکا سنا مجلیسی استخبارات کمیته سی نینگ گزارشی، القاعده گه باغلیق عیبدارلر گه قرشی اوتکزیلگن قیناق باره سیده خبر ترقتگن.

بو گزارشده قیناق دن فایده لنیب، مهم معلوماتلر قولگه کیریتیلمه گن و امریکا ملی خوفسیزلیک نی مدافعه قیلیش اوچون تیکشیروولرهم ارزشلی بولمه گنی قید ایتیلگن.

سیا بونده قوپال شیوه لردن کوپراق فایده لنیش توصیه قیلیب، بو طریقدن مهم معلوماتلرنی قولگه کیریب، مینگ لب امریکالیکلر جانی نی قوتقرگنینی ایتگن.

بو تشکیلات سنا گزارشی نشر ایتیلگنی آرتیدن، اوزی نینگ بیر بیاناتیده، موقعینی ینه ده تکرارله گن.

امریکا مدنی ایرکینلیکلر اویوشمه سی بیر بیانات نشر ایتیب، امریکا باش باش قاره لاوچیلیگی دن بو قیناقلرده قولی بولگن جورج بوش دولتی رسمیلری نی مخصوص شکلده تیکشیرووگه آلیشینی سوره گن.

امریکا ای بی سی خبر ترماغی نینگ ایتیشیچه، قیناق حاللریده دخلدار بولگن خادملردن بیرتعدادی قضایی تیکشیرووگه آلینیب، قماققه تشلنگن. سیا سابق خادمی جان کیریاکو ایلک بار القاعده گه باغلیق عیبدار محبوسلرگه قرشی اوتکزیلگن قیناقلرنی عاموی اخبارات واسطه لریگه فاش ایتگن.

سنا گزارشیگه بنآ، سیا تشکیلاتی به تکرار ناتوغری معلوماتلرنی دولت رسمیلریگه ییتکزیب، کنگره نظارتیگه توسقینلیک قیلگن.

سیا خادملری عیبدارمحبوسلرنی القاعده گه علاقه دارلیک عیبلب، قیناققه سالگن. سوو بیلن بوغیش، تابوتگه سالیش،180 ساعت اوقیلرینی اوچیریش، و اولیمگه تهدید قیناقلر جمله سیدن بولگن.