تئاترنمایشی پیتیده فرانسه فرهنگی مرکزیده پارتلش روی بیردی

Image copyright Edris Fakhri
Image caption فرانسه نینگ فرهنگی مرکزیده تیاترنمایشی و رسم کورگزمه لری یولگه قوییلیب کیله دی.

افغانستان پایتختی کابل ده کی فرانسه نینگ فرهنگی مرکزیده پارتلش روی بیرگن. افغانستان ایچکی ایشلر وزیرلیگی نینگ سرپرستی ایوب سالنگی گه کوره حادثه ده بیر نفر هلاک و اون بیش کیشی یره لنگن . حادثه گواه لری نینگ معلوم قیلیشیچه پارتلش " یورک اوروشی" ناملی نمایش نینگ کورستی له یاتگن پیتی استقلال لیسه سی نینگ سالنیده روی بیرگن. معلوماتلرگه کوره پارتلش خودکش هجومچی تمانیدن روی بیرگن .

ایوب سالنگی نینگ ایتیشیچه حادثه ده هلاک بولگن شخص خارجی مملکت وطنداشی بولگن.اونگه کوره یاره لنگن لردن اوچ نفر نینگ وضعیتی یمان.

علی طاهری حادثه روی بیریش بیلن منطقه نی ترک ایتیب چیقگنینی ایتگن .

اونینگ ایتشیچه پارتلش روی بیریشی ارتیدن برچه ایشکلر آچیلیشی بیلن اونلب تماشا بیلن سالننی ترک ایتگنلر. فرانسه نینگ فرهنگی مرکزی پایتخت کابل نینگ استقلال لیسه سی ایچیده قرار تاپگن. عین مرکزی تیاتر و شونگه اوخشش فرهنگی کورگزمه لرنی نمایش قیلیب کیله دی .

.