افغانستان ملی خوف سیزلیک اداره سی : تیاتر سالونیده گی پارتلشده حقانی ترماغی مسوول

Image copyright d

افغانستان ملی خوف سیزلیک اداره سی کابلده گی فرانسه فرهنگی مرکزیده عملگه آشگن انتحاری هجومده حقانی ترماغی مسوول بولگن دییدی.

اوتگن کونی بومرکزده یولگه قوییلگن انتحاری هجوم موضوعی گه بغیشلنگن تیاترصحنه سی ده بیریاش باله اوزینی پارتله تیب یوباردی.

افغان رسمی لریگه کوره اوشبوحادثه ده بیرنفر اولیب اینگ آز 20کیشی هم یرلندی.

بوندن آلدین طالبان گروهی بو واقعه مسوولیتی نی اوز بوینیگه آلیب بومرکزدولت مخالف لری گه ضدفعالیت قیله یاتگنی نی معلوم قیلگن.

اما بوگون افغانستان ملی خوف سیزلیک اداره سی بیر خبر نامه ترقه تیب بو پارتلش طالبان بیلن یقین علاقه ده بولگن حقانی ترماغی ایشی دیب ایتگن.

اوشبو بیاناتده کیلیشیچه حقانی ترورچی ترماغی خودکش هجومنی اویوشتیریش اوچون بیرباله دن فایده لنگن وبوهجومده مکتب اوقووچیلری نشانگه آلینگن.

ملی امنیت بیاناتیده بوهجوم عامللری افغانستان دشمن لری دیب معلوم قیلینگن.

افغانستان ملی خوف سیزلیک اداره سی شونینگ دیک بوریاست خادم لری، پلیس کوچلری وملی اردوعسکرلری همکارلیگیده طالبان وحقانی ترماغی نینگ بیرنیچه ترورچیلیک برنامه لرینی بیکارایتگن لری باره سیده خبربیرگن.

افغانستان جمهور رئیسی محمد اشرف غنی هم اوتگن کیچه بو واقعه ده یره لنگن لر احوالی دن خبرآلیش اوچون ایمرجنسی کسلخانه سیگه بارگن.

بوگون هم کابلده بیرقطار مدنی فعاللرفرانسه فرهنگی مرکزی مقابلیده توریب بوحادثه عامللرینی قاره لب چیققنلر.

فرانسه فرهنگی مرکزی کابل شهری مرکزی استقلال لیسه سی وجمهور رئیسلیک سرایی بیلن قوشنی بولگن.

بومرکزاطرافیده افغانستان تشقی ایشلروزیرلیگی بیش یولدوزلیک سرینا هتلی وایریم دولت نینگ مهم اداره لری جایلشگن.

افغانستانده گی مهم فرهنگی مرکزلردن بیری، فرانسه فرهنگی مرکزی فرانسه تشقی ایشلروزیرلیگی ومذکور مملکت نینگ کابلده گی ایلچی خانه سی تاماندن قوللب قوتلنه دی.

اوشبومرکزده اوتگن بیرییل جریانیده بیرقطار مهم فرهنگی وهنری برنامه لر اوتکزیلگن. بولیب اوتگن مهم برنامه لرییریک فلم، تیاتروموسیقه فیستیواللری وهنری کنسرت لردن عبارت بولگن.

بومرکزاخیرگی کونلربشرحق لری نی نشانلش اوچون بند ایدی.