کنرولایتی نینگ دانگام تومنیده توقنه شوو دوام ایتماقده

کنر ولایتی دانگام تومنی نینگ نیچه قیشلاغیده طالبان و افغان امنیتی کوچلری آره سیده اوتگن کون دن بیری توقنه شوودوام ایتماقده، ولایت رسمیلریگه کوره، اوشبو تومن نینگ کمر، کچلی و شینکی قیشلاق لریده یوزلب قوراللی طالب هجوم قیلیشگن.

کنر ولایتی نینگ پلیس قوماندانلیگی توقنه شوو نتیجه سیده، آلتی قوراللی طالب هلاک و 16طالب هم یره لنیگنینی معلوم قیلگن. شونینگدیک او، محل یشاوچیلریدن هم تورت نفر یره لنگنینی ایتگن.

بی بی سی خبرنگاری نعمت الله کریاب نینگ ایتیشیچه، محل یشاوچیلری افغان امنیتی کوچلریدن حمایت بیلدیرگن. همده منطقه گه قوشیمچه کوچلر یوباریلمه گن تقدیرده امنیتی کوچلردن حمایت بیلدیرگن شخصلر قربان بولیشی ممکن لیگی ایتیلگن.

توقنه شوو سبب قوشیمچه کوچلر منطقه گه ییتیب باره آلمه گن. عین حالده بیرنیچه قیشلاق هم طالبان نظارتیگه اوتگنی ایتیلماقده.

کنر ولایتی نه فقط دانگام بلکه باشقه حدودلریده هم طالبان قوراللی لری فعال بولگنی ایتیله دی.