"شمالده بیراوزبیکستانلیک عصیانچی اولیب وینه بیرعرب قولگه آلینگن"

سرپل ولایتی ده 5کوندن بیری دوام ایته یاتگن حربی عملیات جریانیده بیرعرب قولگه آلینگن. عین پیتده فاریاب ولایتی ده هم بیراوزبیکستانلیک جنگری داخل آلتی عصیانچی هلاک بولگن.

سرپل پلیس امنیت آمری عنایت الله حبیبی گه کوره بوعرب قورالی بیلن بو ولایت نینگ کوهستانات تومنیدن اوشلنگن.

بوندن آلدین هم افغان امنیتی رسمی لری جنگری لرآره سیده خارج وطنداشلری بارلیگی نی معلوم قیلیب کیلگن ایدیلر.

سرپل امنیتی کوچلری تاماندن قولگه آلینگن بوخارج وطنداشی بیرلشگن عرب امیرلیگی گه اعضابولگن قیسی مملکت وطنداشی بولگنی ایتیلمه گن.

او سرپل ولایتی ده دولت گه قرشی فعالیت قیلیب یاتگن قاری سرتاج گروهی صفیده بولگن.

عین حالده حبیبی جنابلری نینگ ایتیشیچه اوتکزیله یاتگن مخصوص عملیاتده مذکورتومنگه عاید لغمان منطقه سی قیشلاقلری طالباندن تازه له نیب وپارتلاوچی ماده وموترسیکللرهم افغان کوچلری قولیگه توشگن.

طالبان نظارتی ده بولگن محللرنی تازه لش اوچون یولگه قوییلیب کیله یاتگن مذکور عملیات جریانیده حاضرگچه ایکی عصیانچی هلاک بولیب وایکی پلیس هم تن جراحتی آلیشگن.

باشقه تاماندن فاریاب ولایتی نینگ المار تومنیده هم افغان کوچلری تاماندن یولگه قوییلگن حربی عملیات توگب قوراللی لربیلن دولت کوچلری اورته سیده یوزبیرگن توقنه شووده 6جنگری هلاک ایتیلگن.

میمنه ده جایلشگن شاهین قول اردوسی نینگ بیرینچی لوا قوماندانی سوزچیسی رضا رضایی بی بی سی بیلن بولگن صحبتیده هلاک ایتیلگن آلتی جنگری دن بیری اوزبیکستانلیک ایکنی نی ایتدی.