جلال آباد شهریده یوزبیرگن پارتلشلر ده ایککی پلیس اولیب آلتی پلیس یره لندی

Image copyright EPA

محلی رسمیلرگه کوره ، ننگرهار مرکزی جلال آباد شهریده ایککی پارتلش یوزبیرگن بو پارتلشلرده ایککی پلیس هلاک وآلتی پلیس یره لنگن. بیرینچی پارتلش محلی وقت بیلن ساعت سککیز اطرافیده شهر مرکزیده روی بیرگن.

ننگرهار ولایت نینگ ولایت حاکمی سوزچیسی احمدضیا عبدالزی بی بی سی بیلن بولگن صحبتیده بیرینچی پارتلش محلی وقت بیلن ساعت سککیز اطرافیده جلال آباد شهریده یوزبیرگنینی ایتدی.

اونگه کوره بو حادثه ده ننگرهار ولایت نینگ پاسپورت اداره مسوولی عثمان نورستانی یره لنگن و هلاک بولگن ایککی پلیس هم انینگ فرزندلری بولگن.

شونینگ دیک جلال آباد شهر مرکزیده موتر گه یاپیشتیریلگن مقناطیسی ماین پارتله گن،نتیجه ده بیش پلیس یره لنگن.

طالبان گروهی ایککی حادثه مسوولیتی نی هم اوز ذمه سیگه آلگن. اوتگن کون جلال اباد یقینده گی مکتب لر دن بیری یقینده یوزبیرگن پارتلش ده کمیده تورت اوقووچی یره لنگن ایدی.

پایتخت کابلدن آلتمیش کیلومتر اوزاق لیککه جایلشگن ننگرهار ولایتی پاکستان بیلن قوشمه چیگره گه ایگه. ایریم تومنلریده طالبان عصیانچیلری انچه فعال بولگنی ایتیله دی.