اروپا اتفاقی نینگ پلیس ماموریتی افغانستانده ایککی ییلگه جوزیلدی

افغانستان ده کی اروپا اتفاقی پلیس کوچلری نینگ وکلاتی بواتفاق کینگاشی تمانیدن ایککی ییلگه جوزیلدی. آلدینکی ریجه گه موافق اروپا اتفاقی پلیس کوچلری نینگ ماموریتی افغانستان ده ۲۰۱۵ ییل نینگ جنوری آیده توگه شی کوتلرایدی. ینگی آلینگن قرارگه کوره بو وکلات ۲۰۱۶ نینگ دسمبر آییگچه دوام ایتدی . اروپا اتفاقی پلیس تمانیدن ترقه تیلگن بیاناتده کیلیشیچه اروپا اتفاقی کینگاشی بو ماموریت اوچون ۵۸ میلیون یورو بودیجه نی هم تصدیق له گن . اروپا اتفاق پلیسی کوچلری اداری سی نینگ باشلیغی کارل اوکه روژ دن نقل ایتلیشیچه:" اروپا اتفاقی نینگ ماموریتنی افغانستان ده دوام ایتریشی دن خرسند من. بیز بو ماموریت جریانیده اوز تجربه لر میزنی افغان همکسبلری میز بیلن اورتاق له شیب، مسئولیت لرنی هم توغری بیرشکلده اولرگه تاپشیره میز". اروپا اتفاقی پلیس کوچلری نینگ ایتیشیچه کیله سی ایککی ییل دوامیده افغانستان ایچکی ایشلر وزیرلیگی ده اداری اصلاحات لرنی کیلتریش، ملی پلیس کوچلرینی مله که سینی آشیریش و قضا و پلیس آره سیده علاقه لرنی کوچیتیریشگه اساسی اعتبارنی قره تماغچین. اروپا اتفاقی افغانستان حکومتی و اهالی سیگه اوزاق مدتلری یاردم لرنی بیریشگه عهد قیلگنینی تاکید له گن . اروپا اتفاقی نینگ پلیس کوچلری ۲۰۰۷ ییلدن بویان افغانستان ده پلیس کوچلرینی تربیه لش و قانون حاکمیت نینگ تامین له ش ایشلری بیلن یاردم بیریب کیلماقده.