جنرال رازق پاکستان توپراغیده گی جنگرلری هم نشانگه آلینیشیگه بویروغ بیرگن

قندهار پلیس قوماندانی رهبریتی استیده فعالیت آلیب باره یاتگن پلیس کوچلریگه چیگره نینگ اوتمانیده گی عصیانچیلرنی نشانگه آلیش بویوروغینی بیرگن. جنرال رازق اوزکوچلریگه اگرچیگره تامانیدن هجومگه توتیلگن تقدیرلریده اولرنی نشانگه الیشلریگه بویروغ بیرگن.

جنرال عبدالرازق باشقه پلیس باشلیغ لریگه کوره یاش او طالبان وعصیانچی گروه لرنینگ جدی مخالف لریدن بیری . او ناتینچ شورابک تومنیده عملیات اوچون بارگنده رهبریتی استیده فعالیت آلیب باره یاتگن افغان عسکرلریگه چیگره نینگ اوتمانیده گی عصیانچیلرنی نشانگه آلیش دستورینی بیرگن. جنرال رازق نینگ ادعا قیلیشیچه،طالبان عصیانچیلری افغان چیگره پلیس کوچلری یقینده جایلشگن بولیب اوییردن افغان کوچلرینی نشانگه آلرایکن:"دشمن پاکستان چیگره پلیس کوچلری نینگ یوزمترلیگیده جایلشگن، افغان امنیتی کوچلریگه قرشی هجوم قیله دیلر، بو اچیق بیر اثبات دیر، بیزنینگ عملیاتی میزدن مقصد هم مقابل عمل قیلیش ایدی. یعنی چیگره پلیس کوچلریمیزنی هجوم اله یاتگن منطقه لرنی نشانگه آلیش بومرکزلر دیورند خطیدن اوچ یوز متر اوزاقلیککه جایلشگن، بیز اغیر قوراللردن فایده لندیک. هربیر نقطه دن بیز نشانگه آلینسک اوشه محللر نشانگه آلینیشینی عسکرلریمگه ایتدیم".

شونینگ دیک قندهار پلیس باشلیغی جنرال عبدالرازق دیپلماتیک یوللر ارقه لی بو معما حل ایتیلیشینی افغانستان ایچکی ایشلر وزیرلیگیدن طلب قیلگن:"ایچکی ایشلر وزیرلیگیدن طلبیمیز شو کی شوندی عمللر قیته تکرار بولسملیگی اوچون تشقی ایشلروزیرلیگی ارقه لی پاکستان بیلن علاقه قورسین. اگر تکرار بولسه هربیر محلدن افغان امنیتی کوچلری نشانگه الینسه اوشه محللر نشانگه الینیش دستورینی بیردیم پاکستان ویا افغانستانده بولسه."

قندهار پلیس قوماندانی نیچه بار طالبان هجومیدن امان قالدی. بوندن بیرینچه مدت الدین اروش میدانیده طالبان قولگه النیشدن الدین نابود ایتیلیشینی رهبریتی استیده بولگن پلیس کوچلریگه دستور بیرگن ایدی. شورابک تومنی قندهار شهری نینگ 200 کیلومترلیگیده جایلشگن بولیب بو ولایت نینگ ناتینچ تومنلریدن بیر حساب لنه دی. افغانستان وپاکستان اره سیده گی چیگره نینگ ایککی تمانیده عصیانچی گروه لر فعال بولگنی ایتیله دی.