اولوسی جرگه کیلگوسی ییل بودجه لایحه سینی اکثریت آوازبیلن رد ایتدی

ولایتلراورته سیده موازنت نظرده توتیلمه گنی وملی بیردملیک حکومتی ینگی دن تشکیل ایتگن اداره لریگه پارلمان مصلحتی آلینمسدن بودجه نظرده توتگنی بودجه نینگ رد ایتیلیشیگه عامل بولگن.

مالی بودجه بوندن آلدین وزیرلرکینگشی تاماندن تصدیقله نیب کیین سنامجلسی دن اوتیب اولوسی جرگه گه جونه تیلگندی.

بوندن آلدین اولوسی جرگه نینگ کمیسیون لری مالی بودجه نینگ قنده ی لیگی اوستیده محاکمه ایتگن دن کیین بولایحه بوگون عمومی ییغینده بحثگه آلینیب نهایتده آوازگه قوییلدی.

جلسه ده موجود بولگن 158اعضادن 155ته سی بودجه لایحه سیگه رد آوازی بیریشدی.واوچ کیشی هم موافق آوازبیریشدی.

ملت وکیللری تاماندن بودجه لایحه سینی رد ایتیلیشیگه بیرینچی دن ولایت لراورته سیده موازنه یوقلیگی سبب قیلیب کورسه تیلگن.

بوحقده فاریاب ملت وکیلی بشیراحمد تینچ

بوندن تشقری ایش سیزلیک نی آلدینی آلیش اوچون اعتباربیریلمه گنی، مخصوص کود دیب جمهوررئیس اوچون اجره تیله دیگن 100میلیون دالرقه یرلرگه صرفله نیشی نامعلوم لیگی، تومن وشهرلریوللرینی قوریش اوچون بودجه نظرده توتیلمه گنی دن عبارت بولگن مساله لرهم بودجه نینگ رد ایتییلشیگه سبب بولگن.

عین حالده کیلگوسی ییلگی بودجه ده امنیتی اداره لرگه کوپراق بودجه اجره تیلگنی باره سیده هم اولوسی جرگه توخته لیب اوتگن.

افغانستان مالیه وزیرلیگی بو وزیرلیککه ملت وکیللری اعتراض بیلدیرگن حالت لری انیقله نیشی بیلن اونگه جدی اعتباربیریلیشینی معلوم قیله دی.بوحقده بووزیرلیک سوزچیسی غلام قادرجیلانی"اگرانیق حالتده ملت وکیللرینی تنقیدلری و پیشنهادلری بولسه، بیزهمکارلیک قیلیب احتیاج بولگن تقدیرده اوزگریش واصلاح ایته میز، بوایسه ملی حجتی میز" دییدی جیلانی جنابلری

افغانستان مالیه وزیرلیگی رسمی لری تیزآره ده مالی بودجه لایحه سینی کوریب چیقیب قیته اولوسی جرگه گه جونه تیلیشی نی ایتیشماقده لر.

عین حالده بووزیرلیک بودجه تصدیقدن اوتیشی کیچیکتیریلگنی بووزیرلیککه، قیین چیلیک لرهم آلیب کیلیشی ممکن لیگی نی ایته دی.

امابوندن آلدین اولوسی جرگه مالیه وزیرلیگی نی بودجه لایحه سینی بومجلسگه کیچ یوبارگن لیککه عیب له گن، اما مالیه وزیرلیگی بوباره ده گی ادعانی رد ایتیب اوز وقتیده جونه تیلگنی نی ایتماقده.

افغانستان بودجه سی 485میلیاردافغانی یعنی 8میلیارد دالرگه تینگ بوله دی. بونینگ 60فایزی عادی بودجه گه و40فایزی هم رواجله نیش بودجه اوچون اجره تیلگن.

افغانستان ملی بودجه سی نینگ قریب 70فایزی خارجی یاردم ایتیووچی مملکت لر تاماندن وقالگنی هم بومملکت نینگ ایچکی درآمدی آرقه لی مالیه لنه دی.