هرات ولایتی نینگ 30 دن آرتیق محلی مقاملری وظیفه لریدن چیتلنتیریلدی

Image copyright Reuters

افغانستان جمهوررییسی محمداشرف غنی هرات گه قیلگن سفری جریانیده، اوشبو ولایت نینگ قاره لاوچیلیک باشلیغی اولسواللیک لر نینگ پلیس قوماندانلری، باجخانه ومحلی اداره لرنینگ ایریم ایشچیلرینی وظیفه لریدن برطرف ایتدی.

اشرف غنی فرمانی اساسیده، رقابت گه کیرمی وظیفه گه تعین لنگن شخصلر هم وظیفه لریدن چیتلنتیریلگن. هرات ولایتی نینگ اون بیش تومنی بار.

هرات ده مطبوعات انجمنی اویوشتیرگن جمهوررییس غنی کیله جک اوچ آی جریانیده بولایت نینگ امنیتی معماسیگه نقطه قوییلیشینی امنیتی مسووللرگه بویوروغ بیرگنینی ایتدی.

جناب غنی ناتینچلیک لر آرتیب باگن حالده ، هرات ولایتی گه سفر قیلدی ، او بوندن الدین امنیتی وضعیت نی تیکشیریش اوچون هرات گه هیات یوبارگن ایدی.

جمهوررییس غنی، هیات تیکشیروو ده امنیت یوق لیگی ویخشی حکومتدارلیک بولمه گنی هرات ولایتی نینگ اساسی قینچلیگی بولگنی کورسه تیلگنینی ایتدی.

جمهوررییس شونینگدیک؛ هرات ولایتی نینگ ایریم قوم باشلیغ لری بیلن بولگن صحبتیده هرات بلدیه باشلیغی نی تعین لش اوچون بیش کیشی تنشتیریلیشینی اولردن طلب قیلدی، جمهوررییس بو بیش کیشی دن بیرینی هرات بلدیه باشلیغی صفتیده تعین لش وعده سینی بیردی.

همده او، هرات اقتصادی وضعیتی نی یخشی لشتیریش اوچون هم ایریم برنامه لر موجود لیگینی ایتیب کینچه لیک اعلان ایتیلیشینی تاکیدله دی.

هرات ولایتی نینگ وقتینچه لیک والی سی فضل الله وحیدی اوچ کون الدین وظیفه سیدن چیتلنتیریلگن ایدی.

سونگی بیرنیچه ییلده هرات ولایتیده ناتینچلیکلر، ادم اوغیرلش وتاجرلرنی اولدیریش حاللری آرتیب باریشی خصوصیده شکایت لر بیلدیریلگن ایدی.

بی بی سی نینگ هراتده گی خبرنگاری همایون حدید، هرات نینگ امنیتی وضعیتی یخشی بولمه گنینی ایته دی. اونینگ ایتیشیچه هرات ولایتی نینگ تجارت اتاقی رییسی 150 کارخانه اوتگن ایککی اییده اوز سرمایه لرینی بو ولایت دن تشقری چیقه ریب کارخانه لری فعالیتی نی توختتگنینی ایتگن ایکن.