آلتینچی جدی شوروی نینگ افغانستانگه باستیریب کیرگنی کونی

6 جدی شوروی قشونی نینگ افغانستان گه باستیریب کیریب کیلگن 35 ییللیگی دیر. 1378 ییل نینگ آلتینچی جدی آییده شوروی نینگ اونلب حربی عسکری ییر وهوا آرقه لی افغانستان نی اشغال ایتگن.

اولر قریب اون ییل افغانستان ده اوروشیب، یوزلب افغانلرنینگ اولیشی و میلیونلب آدملرنینگ آواره بولیشیگه سبب بولدی.

سابق شوروی قیزیل اردوسی بوندن اوچ دهه آلدین افغانستان دولتینی حمایه ایتیش مقصدی بیلن مجاهدلرگه قرشی جنگ قیلیش اوچون افغانستانگه کیریب کیلدی. مجاهدلر امریکا و بیرقطار منطقه مملکتلری نینگ حمایه سی آستیده کوره شردی.

شوروی ایسیق سوولرگه اوزی نی ییتکزیش مقصدیده افغانستانگه کیریب کیلدی، اما یریم یولده عسکرلرینی آرتگه قیتیردی.

شوروی عسکرلری قریب اون ییل ایچیده مجاهدلرگه قرشی جنگ قیلیشگن. شوروی نینگ افغانستانده گی جنگی ده قیزیل اردوسی نینگ کمیده اون بیش مینگ عسکری نابود بولگن و قریب ایکی میلیون افغان حیاتینی قولدن بیریب، باشقه میلیونلب آدم اوی جایلریدن آواره بولیشگن.

افغانستانده اکثر تحلیلچیلرنینگ فکریچه، شوروی نینگ افغانستانگه قیلگن تجاوزی و اوروش نی باشله گنی، بو مملکت گه سیاسی، اجتماعی و اقتصادی جهتلردن آغیرضربه اوریلیشی، منطقه دولتلری نینگ افغانستان گه اره لشوولریگه زمینه یره تیب بیرگن.

افغانلرنینگ فکریچه، شوروی نینگ اوروشی امریکا رهبرلیگی آستیده کیته یاتگن حاضرگی جنگ بیلن انچه هم فرق قیلیب بولمه یدی. اولرگه کوره، بو جنگلر ایکله تمان اوچون تلفاتلی و کوپ خره جتلی بولگن. اینیقسه افغانستان خلقی اوروش نینگ اساسی قربانلری بولیشگن.

آلتینچی جدی افغانستانده اکثر حزبلر و سیاسی تیوره کلرنینگ نقطه ی نظریدن، بو مملکت نینگ تآریخیده قاره کون صفتیده حسابلنیب، رسانه لر هم بو کون نی تورلی سببلری بیلن بحثگه آلیشه دی.

گزیته و روزنامه لر باش مقاله لریده آلتینچی جدی گه عاید مضمونلر نشر ایتیب، بیرقطار رادیو تلویزیونلر مستند فلملر و اوشه دورده گی جنگ صحنه لرینی نمایش ایتیشه دی.