" افغان ژورنالیست لریدن 13 فایزی شرطنامه گه ایگه ایمسلر"

خبرنگارلر امنیتی نی سقلش کمیته سی نینگ اعلام قیلیشیچه، افغان خبرنگارلریدن 13 فایزی شرطنامه سیز رسانه لر بیلن ایش آلیب باریشگه مجبورلر، اما 16 فایز شرطنامه گه ایگه بولگن خبرنگارلر شرطنامه نی بیکار قیلیش مساله سی اوته مرکب ایکنینی ایتگن.

بو قوریلمه افغانستان نینگ کابل، خوست ، قندهار، ننگرهار، غزنی ، بلخ وپراون ولایت لریده گی 49 خبرنگار بیلن صحبت قیلیب حسابات تیارله گن.

حساباتده یازیلیشیچه، 28 فایز خبرنگارلر قرارداد امضاله گن؛ بیراق شرطنامه ده کیرتیلگن موضوع لردن راضیلیک بیلدیرمه گنلر.

افغانستان بویلب قریب 2 مینگ خبرنگار فعالیت قیلیب کیلماقده ، کوپراغی ایسه پایتخت کابلده ایش آلیب بارماقده لر.

صحبت قیلگن لردن 84 فایزی خبرنگار لر اوزباشیمچه لیک بیلن ایش اصولی رعایه ایتیلمسدن ایشدن بوشه تیلیشی ممکن لیگینی ایتگن.

قوریلمه نینگ علاوه قیلیشیچه، سیاسی، حزبی و قومی علاقه لر خبرنگار لر نینگ ایش امنیتی گه تاثیر اوتکزیب ایش تجربه موضوعی هم ایککینچی اورینده قرارتاپگن.

شونینگ دیک مذکور قوریلمه دولتی رسانه لربیلن ایش آلیب باره یاتگن خبرنگارلر شرطنامه و نفقه گه چیقیش حقوقی گه قره گنده یخشی وضعیت ده بولگنینی ایتگن.

شونینگدیک حساباتده تاکیدله نیشیچه، ایش امنیتی بولمه گنی باعث ایریم خبرنگارلر مطبوعات بیلن ایشلش ایشانچینی قولدن بیرگن لر؛ صحبت قیلگن لردن 33 فایزی ایشلرینی ترک ایتسه باشقه بیر اداره ده یخشی راق ایش الیشگه قادر بولیشینی ایتگنلر.

افغان ژورنالیست لری خصوصی رسانه لر نفقه گه چیقیش امتیازینی بیرمسلیگینی ایتگن. شونینگ دیک خبرنگارلر ایش جریانیده امنیتی خطرلر بیلن یوزمه یوز بولگنی ایتیلیب، بیراق رسانه لر بونگه اونچه لیک اعبتار بیرمه گنی تاکیدلنگن.

بوحساباتده 73 فایز افغان خبرنگارلری نینگ آیلیک لری میلادی 2013 ییلده کوتاریلمه گنی معلوم قیلینگن.