عطامحمدنور ایشپیگل گزارشیگه عکس العمل بیلدیرگن

بلخ ولايتي سرپرستي عطامحمدنورآلمان نينگ ايشيگل روزنامه سي نشريگه عكس العمل بيلديريب، اوني اساس سيز ديگن. او شونينگ ديك، ناتو اوني دشمن صفتيده تيرور رويخطيگه آلگني باره سيده ايضاح سوره ب، شكايت قيليشي ممكنليگي ني ايتگن.او بوحقده آبروسي قيته تيكلنيشيني طلب قيلب قيلگن. عطامحمدنور بوگون اوز اوييده ‍ژروناليستلر حضوريده اوتكزگن بير كنفرانسده، آلمان نينگ ايشيگل روزنامه سيني اونينگ مخدرماده لرقاچاقي دن پول قولگه كيريتگنليگي باره سيده گي گزارشيني كيسكين رد ايتيب، آبروسي قيته تيكله نيشيني سوره دي:"آلمان ايشپيگل روزنامه سي بو عيبلاولرني قيسي بير گواه و حجت اساسيده مينگه قويني باره سيده ايضاح بيريشيني سوره ي من. آبروهيم قيته تيكله نيشي كيره ك و مين اون اوچ ييل اوز ولايتيميده تينمه ي خذمت قيلديم نه فقط بو بلخ بلكه اونينگ قوشنلريده هم كوكنار ايكيلمه يدي. بو مدت ده مين خلق ارا كوچلر بيلن بيرگه تيرورزيم گه كوره شگنيم گه قره مه ي بو عيبلاوني قويگن". عطامحمد نور شونينگ ديك، او ناتو نقطه ي نظريدن دشمن صفتيده كوريليب، تيرور قيلينيشي قراري آلينگنليگي اثباتلنه ديگن بولسه، شبهه سيز اولردن ايضاح سوره ب، شكايت قيليشي ممكنليگي ني ايتدي. اوعين حالده، آلمان يوقاري مرتبه لي رسميلري بيلن يقين علاقه ده ايكني ني ايتيب، بو فتنه لر باشقه تماندن بويوريلگني ممكنكليگي باره سيده تاكيدله دي. او نگه كوره، او اوتگن اوچ ييل ايچيده مخدرماده ايكيليشي و قاچاقي گه قرشي كوره ش گن و بو مسله بلخ ولايتيده صفرگه ييتگن. آلمان ايشپگيل روزنامه سي سونگي ده نشر ايتگن گزارشيده بلخ آكمي عطامحمد نورنينگ اسمي كيريتيلگن. بو گزارش خارجي كوچلر اوزنينگ افغانستان ده گي اون اوچ يليليك مامورتيني ني پايان بيرگن يرچاغده نشر ايتيلگن.