کابلده خارجیلر موتری انتحارچی تامانیدن نشانگه آلیندی

Image copyright AP

پایتخت کابلده یوزبیرگن انتحاری هجومده کمیده آلتی کیشی یره لنگن؛ کابل پلیس سوزلاوچیسی حشمت الله ستانکزی نینگ بی بی سی گه ایتیشیچه، انتحارچی خارجیلر موترینی نشانگه آلگن.

ستانکزی جنابلری نینگ معلوم قیلیشیچه انتحارچی شخص موترده بولیب خارجیلر گه تیگیلشی موترنی نشانگه آلگن. اونگه کوره، بوحادثه ده التی تینچ فقرا یره لنگن.

نشانگه آلینگن خارجیلر کیم لیگی باره سیده هیچ قندی معلومات یوق، پلیس هم احتمالی تلفات خصوصیده هیچ نرسه دیمه گن.

حادثه بوگون محلی وقت بیلن ساعت بیر اطرافیده کابل- جلال آباد شاه یولیده یوزبیردی.

بوهجوم مسوولیتی نی حاضرگه قدرهیچ بیرگروه یا شخص اوز ذمه سیگه آلمه گن.

کابل جلال آباد شاه یولی ناتینچ یوللردن بیری حسابلنه دی و الدینلرهم نیچه بار انتحاری هجوم یوزبیرگن. قریب بیر یریم آی الدین بریتانیا نینگ افغانستانده گی ایلچیخانه سی گه تیگیشلی نقلیه واسطه انتحارچی تامانیدن هجوم گه توتیلگن ایدی. هجومده کمیده بیش کیشی اولیب 33 کیشی هم یره لندی.