پکتیکا ده خلق ارا کوچلرنینگ هوای هجومیده 18 قوراللی مخالف هلاک ایتیلدی

پکتیکا ولایتی نینگ مطبوعات مسوولی ضمیر خپلواک خلق ارا کوچلر نینگ هوای هجومی نتیجه سیده 18 قورالی هلاک بولگنینی ایتگن. بو حادثه اوتگن کون اوشبو ولایت نینگ گیان تومنیده روی بیرگن.

هوای هجومده هلاک ایتیلگن بو 18 قوراللی طالبان گروهی ویا حقانی ترماغی گه باغلیق بولگنلیگی معلوم ایمس، بیراق شرقی ننگرهار ولایتیده حقانی ترماغی فعال بولگنی ایتیلماقده.

خلق ارا اتفا کوچلری بو شخصلر اولرنینگ هوای هجومیده هلاک ایتیلگن دیگن خبر باره سیده هیچ نرسه دیمه گن.

شونینگ دیک خپلواک جنابلری هلاک ایتیلگن قورالی لرگه تیگیشلی بیرقنچه ینگیل و اغیر قوراللرهم اورته دن کیتگنینی ایتگن.

2015 ییل باشله نیشی بیلن ناتو کوچلری نینگ افغانستانده گی حربی ماموریتی هم یکون تاپدی و افغانستانده گی خارجی کوچلر فعالیتی هم افغان امنیتی کوچلری نینگ مشق و تیارگرلیک لردن اوتکیزیش و مصلحت بیریش برنامه لریگه قره تیلگن، اما ضروت بولگن حالده افغان امنیتی کوچلریدن حربی و هوای حمایت کورسه تیشلری ممکن.

حاضرگه ایسه 15 مینگ خلق ارا اتفاق کوچلری موجود، اولرنینگ اکثریتی نی امریکالیک کوچلر تشکیل بیره دی.