افغانستان ملی خوفسیزلیک مصلحتیچیسی: توپراغیمیزدن ایران نی تهدید قیلیشگه رخصت بیرمه یمیز

افغانستان جمهور رییسلیک ملی خوفسیزلیک مصلحتچیسی محمدحنیف اتمر ایرانگه سفر قیلیب، سه شنبه کونی او ایران ت تشقی ایشلر وزیری بیلن اوچره شیب، افغانستان دولتی اوز توپراغیدن ایران گه تهدید سالیشگه رخصت بیرمسلیگی نی تاکیدله گن.

ایران (ایسنا) خبرآژانسی نینگ معلوماتیگه کوره، حنیف اتمر ایران ملی خوفسیزلیک عالی کینگشی کاتبی علی شمخانی نینگ دعوتی اساسیده تهران گه سفر قیلگن.

ایسنا نینگ یازیشیچه، افغانستان ملی خوفسیزلیک مصلحتچیسی ایران تشقی ایشلروزیری بیلن اوتکزگن ملاقاتیده، ایران بیلن هرتمانلمه چوقور مناسبات ده بولیش ملی بیردملیک حکومتی نینگ تشقی سیاستی نینگ اینگ یوقاری برنامه سی ایکنی نی ایتیب، او مملکتدن ترانزیت، تجارت و مخدرماده لرگه قرشی کوره ش ساحه لریده همکارلیک کورستیشینی سوره گن.

ظریف جنابلری هم بو اوچره شووده، ایران تشقی ایشلروزیرلیگی نینگ ایکی تمانلمه همکارلیکلر شکللنیشی اوچون تیار ایکنی نی ایتیب، سیاسی و تیروزیم گه قرشی کوره شده، افغانستان ینگی دولتی نی همکارلیک قیلیشی ممکنلیگی نی تاکیدله گن.

افغانستان جمهور رییسی محمد اشرف غنی تحلیف مراسمیده قوشنی مملکتلر اونینگ دولتی تشقی سیاستیده بیرینچی اورین ده قید ایتیلگنی نی ایتگندی. او قوشنی مملکتلرده گی نابرقرارلیکلر بیواسطه افغانستان گه هم تاثیرسالیشینی معلوم قیلدی.