افغانستان شرقیده صادر ایتیلگن پارتلشده بیرمحکمه قاضی سی اولدی

بوگون ایرته لب ننگرهار مرکزی جلال آباد شهریده صادر ایتیلگن پارتلشده بیر محکمه قاضی سی هلاک بولدی.

پولیس نینگ ایتیشیچه، محمود حسن اسملی قاضی بوگون ایرته لب ساعت 8 ده اوییدن چیقیب کیته یاتگن بیر چاغده نشانگه آلینگن.

ننگرهار پولیس اداره سی سوزچیسی حضرت حسین مشرقیوال نینگ بی بی سی گه ایتیشچه، محمود حسن اوزی نینگ موتریگه یاپیشتیریلگن ماین ده هلاک بولگن.

بو حادثه قاضی نینگ ایکی باله سی هم یره لنیب، شفاخانه گه ییتکزیلگنی ایتیله دی.

اوتگن آی ده کابلده افغانستان عالی محکمه سی دارالانشا رییسی نامعلوم قوراللی شخصلر تمانیدن اولدیریلگندی.

هنوزگچه بو حادثه مسوولیتینی هیچ بیر گروه اوز ذمه سیگه آلمه گن. اما طالبان بوندن آلدین افغانستان محکمه لری اعضالرینی نشانگه آلیشی باره سیده تهدید قیلگن.