بلخ مدنی فعاللری فرانسه ده گی گزیته گه قیلینگن هجوم نی قاره لشدی

بلخ ولایتی ده اونلب مدنی فعاللر فرانسه لیک هفته نامه گه قرشی اویوشتیریلگن هجوم یوزه سیدن اعتراضلی ییغین اویوشتیریب، بو هجوم نی قاره لشگن.

اعتراضچیلر، بیرلشگن ملتلر تشکیلاتی و افغانستان دولتی دن تیرورچی گروه لرگه قرشی جدی کوره ش آلیب باریشلرینی سوره گنلر. بلخ اخبارات و مدنیت اداره سی ایچیده اویوشتیریلگن بو اعتراضلی ییغینده، اونلب مدنی فعاللر و ژورنالیستلر اشتراک ایتیب، چهارشنبه کونی فرانس لیک ده گی بیر هفته نامه گه اویوشتیریلگن هجوم نی قارلب، حادثه ده هلاک بولگن گزیته خادملریگه قیغوداشلیک بیلدیردی. قوللریده بیز انسانیت اولدیریلیشی و شرارت افگن داعیشگه گه قرشیمیز دیگن شعارلرنی اوشلب تورگن اعتراضچیلر، مذکور هجوم عامللری محکمه قیلینیشی سوره ماقده لر. عبدالقادر مصباه بلخ مدنی فعاللریدن بیری:"بوگون بلخ مدنی فعاللری فرانسه ده روی بیرگن حادثه گه نسبتآ اوز نفرتینی بیلدیره دی. بیز آدملرنینگ شخصی وجمعی اعتقاد و قدیریتلریگه حرمت قایل میز. بو جنایت قه یرده صادر ایتیلگنیگه قره مه ی، بونی قتیق قاره له یمیز. بلخ مدنی فعاللری انسان نینگ اولدیریلیشیگه قرشی". بو اعتراضچیلر داعیش گروهی نی تیرورچی دیب، ولایتده گی نشرلردن همده فسبوک و تیویتر کبی اجتماعی ترماغلر فایده لنووچیلریدن داعیش رهبری ابوبکر البغدادی نینگ رسملرینی کاری کاتور قیلیب، نشر ایتیشلرینی سوره ماقده لر. اما بو اعتراضچیلر، بیرلشگن ملتلر تشکیلاتیدن هجوملرگه سببچی بوله دیگن اسلام دینی مقدساتیگه قیلینه یاتگن توهین و حقارتلرنی آلدینی آلیشگه جدی اعتبار قره تیشینی طلب قیلیشدی. بوحقده بلخ مدنی فعال اعضاسی عبدالشکور نجفی زاده:"بیز بیرلشگن ملتلر تشکیلاتی دن اسلامی مقدسات نی توهین قیلیش و کاری کاتور نشر ایتیشلرنی آلدینی آلیش نی جدی سوره یمیز. بولرنینگ آلدی آلینسه، جماعه ده بونده ی قیغولی حادثه لرگه گواه بولمسلیگیمیز ممکن. بلخ مدنی فعاللری اسلام پیغبری حضرت محمد نی کاری کاتور قیلگن فرانسه و دنمارک مملکتلری نینگ بو عملی قاره لب، کیله جکده بونده ی عملگه قول اورمسلیگی نی سوره یمیز". بو ییغین سونگیده مدنی فعاللر بیر قطعنامه صاد ایتیب، بیرلشگن ملتلر تشکیلاتی دن تیرورچی گروه لرگه قرشی جدی کوره ش آلیب باریشینی طلب قیلیشدی.

بیز بیرلشگن ملتلرتشکیلاتی دن داعیش، القاعده، حقانی، طالبان، لشکر طییبه کبی تیرورچی گروه لرگه قرشی جدی کوره ش آلیب باریشینی سوره یمیز. اوتگن چهارشنبه ده پاریسده گی شارلی ابدو گزیته سیگه قیلینگن هجوم ده کمیده 12 کیشی هلاک بولدی. اولگنلر ایچیده هفته نامه کاتبی و اوچ نفر کاتور موجود بولگنی ایتیلگن. بو هفته نامه 2011 ییلده اسلام پیغمبری حقیده کاری کاتور نشر ایتگندی، اونینگ سونگی کاری کاتوری اسلامی دولت گروهی رهبری ابوبکر البغدادی حقیده بولیب، مذکور هجوم اون بیش دقیقه آلدین نشر ایتیلگندی. اما بو هجوم دنیا بویلب قاره لندی.