افغانستان ملی بیردملیک دولتی کابینه سینی اعلان قیلدی

Image copyright AP

افغانستان ملی بیردملیک دولتی قریب 110 کون ایشله باشله گنیدن سونگ، اوزی نینگ ینگی کابینه اعضالرینی تنیشتیردی. اوتگن دوشنبه کونی افغانستان جمهور رییسلیک سراییده اوتکزیلگن ییغینده، مملکت جمهور رییسی نینگ اداره باشلیغی عبدالسلام رحیمی، اشرف غنی نینگ 25 نفر نامزد وزیرلرنینگ اسملرینی اعلان قیلدی. تنیشتیریلگن وزیرلر ایچیده ینگی سیمالر هم کورینه دی. اولردن هیچ بیری بوندن آلدین افغانستان دولتیده وزیر صفتیده ایش بجرمه گنلر. غنی جنابلری نینگ فرمانیگه اساسآ، قوییده گی شخصلر ینگی کابینه اعضالری صفتیده پارلمان گه تنیشتیریلدی. ملی مدافعه وزیرلیگی اوچون شیرمحمدکریمی ایچکی ایشلروزیرلیگی اوچون نورالحق علومی تشقی ایشلروزیرلیگی اوچون صلاح الدین ربانی مالیه وزیرلیگی اوچون غلام جیلانی پوپل عدلیه وزیرلیگی اوچون احمد سیرمهجور معارف وزیرلیگی اوچون گل زلمی یونسی عیاللر وزیرلیگی اوچون نجیبه ایوبی فواید عامه وزیرلیگی اوچون عباس بصیر ساغلیق نی سقلش وزیرلیگی اوچون فیروزالدین فیروز زراعت وچارواچلیک وزیرلیگی اوچون یعقوب حیدری کانلر وزیرلیگی اوچون داوودشاه صبا مخابرات وزیرلیگی اوچون برناکریمی قیشلاقلرنی تیکلش ورواجلنتیریش وزیرلیگی اوچون نصیراحمد درانی عالی اوقوو وزیرلیگی اوچون خاطره افغان سوو وبرق وزیرلیگی اوچون محمود صیقل اجتماعی ایشلر وزیرلیگی اوچون سادات نادری مهاجرلر وزیرلیگی اوچون سیدحسین عالمی بلخی حج واوقاف وزیرلیگی اوچون فیض محمدعثمانی مخدرماده لرگه قرشی کوره ش وزیرلیگی اوچون فیض الله کاکر اخبارات ومدنیت وزیرلیگی اوچون آی سلطان خیری چیگره و قبیله لر وزیرلیگی اوچون قمرالدین شینواری اقتصاد وزیرلیگی اوچون سردارمحمد رحمن اوغلی تجارت وزیرلیگی اوچون سردارمحمد رحیمی ترانسپورت و هوا یوللری وزیرلیگی اوچون فیض الله ذکی شهر قوریش وزیرلیگی اوچون شاه زمان میوندی ملی خوفسیزلیک باش اداره سی رییسلیگی اوچون رحمت الله نبیل مرکزی بانک اداره سی رییسلیگی اوچون خلیل صدیق بولر آره سیدن فقط رحمت الله نبیل اوتمیشده افغانستان دولتی اعضاسی بولیب، ملی خوفسیزلیک اداره سی رییسی صفتیده ایشله گن. غنی جنابلری بوندن آلدین اوزی نینگ ینگی کابینه سیده، عیاللر اوچون تورت کرسی اجره تیشینی اعلان قیلگندی، اما بو رویخط ده فقط اوچته عیال وزیر صفتیده تنیشتیریلگن. عین حالده، اولوسی جرگه مذکور نامزد وزیرلرنینگ تحصیل حجتلری وتجربه لرینی تیکشیریشینی باشله گنلر. بو تیکشیروو کیله سی هفته گه قدر خلاصه بولیشی ممکن.