جوزجان محبوس لری آچلیک اعلان قیلدی

جوزجان ولایتی رسمی لرنینگ معلوم قیلیشیچه اونلب محبوس بو ولایتده آچلیک اعلان قیلگن. جوزجان ولایت پلیس باشلیغی فقیر محمد جوزجانی نینگ ایتیشیچه قیرق کیشی آچلیک اعلان قیلگن و اولردن آلتی نفری اوز لبلرینی تیکیب قویشگن.

جوزجانی جناب لری نینگ ایتیشیچه اعتراضچی لر آره سیده بیرنیچه نفر " خوف لی طالبان" هم بار. اعتراضچی لراولرنینگ قماق مدتی توگه گنی ادعا قیلیب قویب یوبارلیش لرینی طلب قیلماقده. جوزجان ولایتی رسمی لری اعتصاب نی یوکون یسش اوچون ایرم چاره تدبیر لرنی یولگه قوییه یاتگن لرینی ایتماقده. رسمی لری بو اعتصاب "خوف لی" گروه لر تمانیدن تشکیل لشتیرلگنینی ایتماقده. جوزجانی جناب لری عینی دمده بو محبوس لر سرپل ولایتی گه عاید بولگنینی ایتماقده. ایککی یوز دن آرتیق محبوس بوندن اوچ ییل اول قوشنی سرپل ولایتی دن جوزجانگه کیلتیرلگندی. بو قرار طالبان گروه نینگ سرپل قماق خانه سیگه هجوم اویشتیریشی آرتیدن آلینگن ایدی. حاضرده جمعی 7 یوز محبوس جوزجان ولایتی قماقخانه سیده سقلنماقده. ۱۳۹۱ ییلیده طالبان نینگ سرپل ولایت قمخانه سیگه هجوم قیلیشی عاقبتیده اوچ نفر هلاک و اوتیز دن آرتیق کیشی ایسه یره لنگن ایدی. بو حادثه ده 32 محبوس هم قاچیشگه موفق بولگندی. اولرنینگ ایرم لری پلیس کوچلری تمانیدن قیته قولگه آلینگن ایدی. طالبان قورالی لری سرپل ولایتی قماقخانه سیگه هجوم مسولیتنی قبول قیلگن ایدی.