ایلکبار پلیس نامی بیلن مخصوص رادیو فعالیت گه باشله دی

Image copyright AFP

افغانستان ایچکی ایشلروزیرلیگی چوکاتیده بیرینچی بار "پلیس" نامی بیلن بیر رادیو فعالیتگه باشله گن. ایچکی ایشلر وزیرلیگی نینگ ایتیشیچه، مذکور رادیو پلیس و خلق آره سیده علاقه قوریش مقصدی بیلن ایجاد ایتیلگن.

رسمیلرگه کوره ، ایچکی ایشلر وزیری و بو وزیرلیک نینگ باشقه بیرقطار رسمیلری مذکور رادیو آرقه لی مردم سوراقلریگه جواب بیریشی ممکن. پلیس آتی بیلن فعالیت گه باشله گن بو رادیو یقین زمانده برچه ولایت لرگه نشراتینی اوزه تیشی ممکن.

ایچکی ایشلر وزیرلیگی نینگ وقتینچه لیک وزیری و ایریم مقاملر اشتراکی بیلن پلیس رادیوسی نینگ آچیلیشی مراسمی بولیب اوتدی. ایچکی ایشلر وزیرلیگی نینگ ایتیشیچه، مردم و پلیس آره سیده گی علاقه لرنی مستحکملش مقصدی بیلن بو رادیو فعالیت گه باشله گن. همده قانون حاکمیتی اوچون هم ایریم برنامه لر یولگه قوییلیشی ریجه لنگن.

مذکور رادیو برنامه لری ایرته ساعت 7 دن کیچقرون تورتگه قدر نشر ایتیلیب، امنیتی و اجتماعی موضوعلر خصوصیده صحبت آلیب باریله دی.

ایچکی ایشلر وزیرلیگی سوزلاوچیسی صدیق صدیقی گه کوره، بو وزیرلیک و باشقه مقاملر بو رادیو آرقه لی خلق نینگ سوراقلری وشکایت لریگه جواب بیریشی ممکن:"96.5 پلیس اف ام رادیو سی مردم بیلن توغریدن توغری علاقه قوریش اوچون مهم ریجه لریمیزدن بیری، مردم و پلیس اره سیده گی فاصله لرنی یوق ایتیش عایله وی قینچلیک لر و امنیت خصوصیده موجود قینچلیک لرنی مردم پلیس گه ایته آلسین. شونینگ دیک مردم شکایتی وفکری اساسیده پلیس چوکاتیده هم اصلاحات الیب کیلیش گه اعتبار بیریلیک."

بیرینچی بار پلیس آتی بیلن فعالیت گه باشله گن رادیو حاضرگه قدر پایتخت کابل و قوشنی ولایت لرده نشرات بیریب کیلماقده. اما صدیقی جنابلری مذکور رادیو نشراتی کیله جک بیر ییلده برچه ولایت لرده کینگیشی ممکن لیگینی ایتدی.

بو رادیو اوچ میلیون امریکا دالری خره جتی بیلن ایجاد ایتیلگن. مذکور مبلغ ایسه ایچکی ایشلر وزیرلیگی تمانیدن تولنگن.