کابلده پارتلاوچی ماده دن توله بولگن بیر موتر پارتله تیلدی

Image copyright Reuters

افغانستان ایچکی ایشلروزیرلیگی کابل شرقیده پارتلاوچی ماده دن توله بولگن بیر موترنینگ پارتله تیلگنی عاقبتیده ایکی تینچ اهالی یره لنگنی نی تصدیقله گن.

جنرال ایوب سالنگی نینگ اوز تویتیر صحیفه سیده یازیشیچه، مذکور موتر کابل ایلنمه یولی ده گی پولیس خوفسیزلیک اون بیشینچی حوزه سیده بوگون ایرته لب پارتله گن.

بو حادثه مسوولیتینی طالبان گروهی اوز ذمه سیگه آلگن و بو گروه سوزچیسی بو هجوم دن مقصد، خارجی کوچلر ایکنینی ایتیب، اولرگه آغیر تلفات ییتکزیلگنینی ادعا قیلگن. اما بو حقده کوپراق تفصیلات بیرمه گن.

بو پارتلش کابل شهریده بیر نیچه هفته تینچ لیک برقرارلنگنی دن سونگ، صادر ایتیلیب، افغانستان کابینه اعضالری نینگ صلاحیتلری تیکشیریله یاتگنی همه نی دقتینی اوزیگه جلب ایتگن.

افغانستان ملی بیردملیک دولتی کمیده یوز کون دن سونگ، 25 نفرنی پارلمان گه تنیشتیردی. پارلمان بو وزیرلردن ییتی ته سینی قوشفقرالیککه ایگه ایکنلیکلری اوچون صلاحیتلرینی رد ایتیشگن.

بو مدت ایچیده خوفسیزلیک اداره لر سرپرستلر تمانیدن رهبرلیک قیلینماقده. طالبان سونگی هفته لرده یعنی ملی بیردملیک حکومتی ایشگه باشله گنی دن سونگ، اوز هجوملرینی شدتلشتیرگنلر.