ایکی ینگی نامزد وزیر پارلمان گه تنیشتیریلگن

Image copyright BBCPersian.com

ملی بیردملیک دولتی ایکی قوشفقرالیک نامزد وزیرلر پارلمان تمانیدن رد ایتیلگنی دن سونگ، نجیب آقا فهیم و عبدالباری جهانی لرنی عدلیه و اخبارات وزیرلیکلری اوچون تنیشتیرگن.

تکلیف قیلینگن تشقی وایچکی ایشلروزیرلیک نامزدلری هم اوز لایحه برنامه لرینی مجلسگه ایضاحله گنلر.

اوتگن هفته ملی بیردملیک دولتی نینگ ایکی نامزد وزیری قوشفقرالیککه ایگه بولگنلیگی اوچون رد ایتیلگندی.

بوندن آلدین اخبارات و مدنیت وزیرلیگیگه آی سلطان خیری و عدلیه وزیرلیگگه احمد سیر مهجورلر تنیشتیریلگندی اما اولر قوشفقرالیککه ایگه بولگنلیگی سبب مجلس تمانیدن رد ایتیلدیلر.

کاپیسا ولایتیده توغیلگن نجیب آقا فهیم خلق ارا حقوق بوییچه تحصیل آلگن. ییللرچه کابل بیلیم یورتیده استاد صفتیده تدریش قیلیب، سابق ایچکی ایشلروزیرلیگی ده مصلحتچیسی صفتیده ایشله گن. او شونینگ دیک، تشقی ایشلر

وزیرلیگیده دپلیمات صفتیده هم وظیفه بجرگن.

پارلمان ایشلری بوییچه وزیر غلام نبی فراهی قندهار ولایتی اهالیسیدن بولگن عبدالبار جهانی نی شاعر، یازووچی و تاریخدان صفتیده تنیشتیردی. او امریکا آوازی رادیوسی و افغانستان ملی سرودینی اوقیگن شخصلر جمله سیدن بولگن.

افغانستان جمهور رییسی نینگ ایککینچی معاونی سرور دانش نامزدلر وزیرلرنی تنیشتیریش جریانیده، ملی بیردملیک حکومتی مجلس نینگ قانون قاعده لریگه حرمت قایل ایکنی نی ایتیب، قانون گه مطابق قوشفقرالیککه گه ایگه نامزد وزیرلرنینگ صلاحیتلری مجلش تمانیدن رد ایتیلیشی نی معقول له دی.

دوشنه کونی پارلمان اعضالری ایچکی ایشلروزیرلیگگه نامزد نورالحق علومی همده تشقی ایشلروزیرلیگیگه نامزد صلاح الدین ربانی لرنینگ قوشفقرالیکلریدن واز کیچگنلیکلرینی تصدیقلشدی.