اشرف غنی: ولایت کینکشلری نینگ نظارت لایحه سی باشقه اوچ هفته گچه ترتیب لنسین

Image copyright .

افغانستان جمهور رییسی محمد اشرف غنی، محلی ارگانلر مستقل اداره سیگه ولایت کینگشلری نینگ نظارت لایحه سی باشقه اوچ گچه ترتیب گه سالینیشی باره سیده دستور بیرگن.

افغانستان محلی ارگان مستقل اداره سی خبرنامه سیگه کوره، غنی جنابلری بو اداره گه ولایتی کینگش لرنینگ نظارت ایتیش لایحه سی قنده ی لیگی نی ولایتلرده ترتیبگه سالیشگه بویروغ بیرگن.

اشرف غنی مذکور اداره گه ولایتی کینگشلر قانونیگه نظارت لایحه سینی کیریتیب، قانون نی تصدیقلش اوچون اولوسی جرگه گه قیته دن یوباریشینی ایتگن.

محلی ارگان مستقل اداره سی سرپرستی متین بیک نینگ ایتیشیچه، اوتمیشده ولایتی کینگشلر باره سیده انیق بیر تعریف بولمه گن، اما ینگی لایحه ده دولت اداره لری نینگ مردم گه جواب بیریش جریانی شفاف بولیشی قید ایتیلگن.

بیک جنابلری افغانستان ولایتی کینگشلر نماینده لری دن باغله گن اداره لری ایشیگی نی قیته دن آچیب، ایشلریگه دوام ایتدیریشینی سوره گن.

افغانستان اولوسی جرگه سی چهارشنبه کونی اوزی نینگ بیر آچیق ییغینیده، ولایتی کینگش اعضالری نینگ نظارتی رولینی آکثریت آواز بیلن رد ایتدی. بو تصدیقدن سونگ، اکثر ولایتی کینگش اداره لری اعتراض بیلدیریب، ایشلرینی یاپیشدی.

ولایتی کینگش اعضالری حکومت و پارلمان بو حقده جدی اعتبار قره تمه گن تقدیرده، باشقه چاره تدبیر کوریشلری باره سیده آگاه لنتیرگن.