ایککی افغان پلیسی یتتی همکارینی اولدیردی

Image copyright BBC World Service

محلی مقاملرنینگ ایتیشلریچه، قندهار ولایتی نینگ میوند تومنیده ایککی پلیس، قوماندانلری داخل یتتی پلیس نی آتیب اولدیرگن. شونینگدیک تورت پلیس هم غربی هرات ولایتی ده هلاک ایتیلگن.

قندهار حاکمی سوزلاوچیسی صمیم خپلواک بی بی سی نینگ محلده گی خبرنگاری بیلن بولگن صحبتیده بو حادثه میوند تومنی نینگ کوکی منطقه سیده روی بیرگنینی ایتگن.

محل یشاوچیلری نینگ بی بی سی خبرنگاریگه ایتیشیچه، "ایککی عسکر ایریم همکسبلرینی اوق بیلن اتیب اولدیرگن وایرلرینی هم باشلرینی تنه سیدن اجره تگن."

طالبان گروهی سوزلاوچیلریدن قاری یوسف احمدی حادثه مسوولیتی نی اوزذمه سیگه آلیب " فنی " بیر عملیاتده طالبان نینگ ایککی نفری یتتی پلیس نی اولدیردی دیب فکر بیلدیرگن.

شونینگدیک او، بوعملیات نی اویوشتیرگن شخصلر یتتی قورالنی هم اوزلری بیلن الیب کیلگنینی ادعاقیلگن.

بو ینگی بیر حادثه ایمس، بوندن الدین هم جنوبی ولایت لرده افغان عسکرلری نیچه بار اوز همکسبلریگه قره ته اوق آچگنلر. عینی حالده محلی مقاملر هرات ولایتی نینگ چشت شریف تومنیده طالبان هجومیده تورت پلیس هلاک ایتیلگنینی تصدیق له گن، اما محلی منبع لر بوهجومده ینه اوچ پلیس هم یره لنگنینی ایتگنلر.

بوندن آلدین جمهوررییس محمد اشرف غنی هرات ولایتی نینگ قریب اوتیز محلی مقاملرینی وظیفه لریدن چیتلنتیرگن ایدی. هرات ولایتی نینگ ولایتی کینگاش رییسی کامران علیزایی نینگ ایتشیچه، اوتگن کیچه تورت پلیس نینگ هلاک ایتیلیشگه اساسی عامل منطقه دن تولیق معلوماتلری بولمه گنی دیر.