پنتاگون افغانستان خوفسیزلیک کوچلری نینگ سیرلی معلوماتلرینی نشر ایتماقچی

Image copyright AP

امریکا مدافعه وزیرلیگی افغانستان خوفسیزلیک کوچلریگه تیگلیشی بیرقطار سیرلی معلوماتلرنی نشر ایتیشی نی اعلان قیلگن.

رویترز خبرآژانسی نینگ بیرگن معلوماتیگه کوره، پنتاگون بو قرارنی امریکا نینگ افغانستان قیته قوریشی بوییچه باش اداره سی یعنی سیگار پنتاگون نینگ افغان خوفیسزلیک کوچلری توغریسیده گی یاشیرین معلوماتلر نشر ایتیلیشینی نامناسب دیب تنقید قیلگن دن سونگ، آلینگن.

امریکا مدافعه وزیرلیگی بوندن آلدین افغانستان خوفسیزلیک کوچلری گه قرشلی معلوماتلرنی نشر ایتیشینی اعلان قیلگندی. اما دولت مخالف جنگری گروه لر بوندن فایده لنیشی ممکنلیگی نی ایتیب، بو بیلن افغان کوچلری جانی خطرگه توشیشی ممکنلیگی نی تاکیدله گندی.

امریکا رسمی شونینگ دیک، افغانستان دولتی بو مملکت کوچلری گه قره شلی معلوماتلرنی عاموی قیلمسلیگی نی سوره گنینی ایتگن.

اما سیگار اداره سی سوزچیسی امریکا مدافعه وزیرلیگی بو حقده قیته کوریب چیقیب، بو معلوماتلر دن اکثر قسمی نی سیگارنینگ اختیاریگه قویگن و سیگار بومعلوماتلرنی تیکشیره یاتگنینی بیلدیرگن.

امریکا اردوسی سوزچیلریدن بیری هم سیگار سیرلی معلوماتلردن بیر قسمی نی طلب قیلیب، عاموی لشتیریش قیلیش وقتی ایکنینی ایتگن.

امریکا مدافعه وزیرلیگی اوتگن آلتی ییل ایچیده، هر بیر تورت آیده افغانستان ده گی امریکالیک کوچلرگه قره شلی خره جت، ماموریتلری، رقملر و معلوماتلرنی سیگارنینگ اختیاریگه قویه دی.

عین حالده، امریکانینگ افغانستان ده گی کوچلری باش قوماندانی جنرال جان کمپبل، بو معلوماتلردن بیر تعدادی افغان خوفسیزلیک کوچلری جانی سقله نیشی اوچون سیر سقله نیشی کیره کلیگی نی تاکیدله گن.

اوتگن اون اوچ ییل ایچیده امریکا افغانستانده 100 میلیارددن آرتیق مبلغ صرفله گن و بوندن 65 میلیاردی افغان خوفسیزلیک کوچلری نی تیارگرلیکدن اوتکزیش ساحه لریده صرفلنگن.

Бу мавзуда батафсилроқ